قاراعاندىلىق كەلىنشەك ءوزىنىڭ 10 جىل بۇرىن «مارقۇم بولعانىن» ح ق و- عا كەلگەندە ءبىلدى
بۇل فاكتىنى ول جەكە باسىن كۋالاندىراتىن قۇجاتتى جاڭارتۋ ءۇشىن ح ق و- عا جۇگىنگەن كەزدە بىلگەن، دەپ حابارلايدى قازاقپارات ءتىلشىسى.
وسى جىلدىڭ 23-مامىرىندا 38 جاستاعى نادەجدا ليپينا جەكە كۋالىگىنىڭ مەرزىمى اياقتالۋىنا بايلانىستى ونى اۋىستىرماق بولىپ حالىققا قىزمەت كورسەتۋ ورتالىعىنا جۇگىنگەن. ح ق و قىزمەتكەرلەرى وعان 2012 -جىلدان باستاپ دەرەكتەر بازاسىندا «قايتىس بولعان» دەپ تىركەلگەنىن حابارلاعاندا قاتتى تاڭ قالعانىن ايتادى.
«وسى جىلدار ىشىندە رەسمي جۇمىس ىستەيمىن، بارلىق اۋدارىمىم بار. نەسيە الدىم، 2018 -جىلى بالا تۋدىم، ءبىر جاسقا دەيىنگى بالا كۇتىمى بويىنشا جاردەماقى الدىم. ماعان ا ح ا ت تىركەۋ كىتابىندا «ولگەنىم» جازۋلى تۇرعانىن ايتتى. بۇل قالاي بولۋى مۇمكىن؟ تۇسىنسپەم بۇيىرماسىن»، - دەيدى نادەجدا ليپينا.
ەكى اپتادان كەيىن حالىققا قىزمەت كورسەتۋ ورتالىعىندا ايەلگە قاتە تۇزەتىلدى جانە ول قۇجاتتى اۋىستىرۋعا كەلە الادى دەپ حابارلاعان. بۇل جاعدايعا قاتىستى قاراعاندى وبلىسى پ د باسپا ءسوز قىزمەتى تۇسىنىكتەمە بەردى. ولار قاتە ونىڭ كىناسىنەن بولماعاندىقتان ايەلدىڭ مەرزىمى وتكەن قۇجات ءۇشىن ايىپپۇل تولەمەيتىنىنە سەندىردى.
«ازاماتشا ليپينا جۇگىنگەن كەزدە مالىمەتتەر بازاسىندا بۇرىن بەرىلگەن كۋالىك 2012 -جىلى «ازاماتتىڭ قايتىس بولۋىنا بايلانىستى» سەبەبىن كورسەتە وتىرىپ، قاتە جويىلعانى انىقتالدى. 9 -ماۋسىمدا دەرەكتەر بازاسىنا تۇزەتۋ ەنگىزىلدى. ازاماتشا ليپينا جالپى تارتىپتە قۇجات راسىمدەي الادى»، - دەپ ءتۇسىندىردى قاراعاندى وبلىسى پ د باسپا ءسوز قىزمەتىندە.
