ءمينيستر ەل تۇرعىندارىنا 10 كۇندىك ازىق قورىن جاساۋدى ۇسىندى

بريۋسسەل. قازاقپارات - قازىرگى كريزيس جاعدايىندا تۇرعىندار اسا قاجەتتى تاۋارلاردى الىپ قويعانى دۇرىس.
None
None

بۇل تۋرالى گەرمانيانىڭ ىشكى ىستەر ءمينيسترى نەنسي فەيزەر جەرگىلىكتى باسىلىمداردىڭ بىرىنە بەرگەن سۇحباتىندا ايتتى، دەپ حابارلايدى قازاقپاراتتىڭ مەنشىكتى ءتىلشىسى.

«قازىرگى كريزيس كوپ دۇنيەگە مۇقتاج ەكەنىمىزدى انىق كورسەتتى، ياعني ازاماتتىق قورعانىس تۋرالى ايتىپ وتىرمىن. ەگەر ەلەكتر جارىعى ۇزاق ۋاقىتقا سونسە نەمەسە كۇندەلىكتى ومىرىمىزدە باسقا بىردەڭە بولماسا، ۇيدە اسا قاجەتتى ازىق-تۇلىكتەردى الىپ قويعان دۇرىس»، - دەدى نەمىس ءمينيسترى.

گەرمانيانىڭ ءى ءى م باسشىسى جەرگىلىكتى تۇرعىنداردىڭ نازارىنا توتەنشە جاعدايدا ءبىر ادامعا ون كۇنگە قاجەتتى ازىق-تۇلىك ءتىزىمىن ۇسىندى.

ول ۇسىنعان ون كۇندىك بازالىق تاماق قورى مىناداي:

كۇنىنە 2 ليتر كولەمىندە سۇيىقتىق، بارلىعى 20 ليتر؛

جارما، استىق ونىمدەرى، نان، كارتوپ، ماكارون ونىمدەرى، كۇرىش: 3,5 كەلى؛

كوكونىستەر، بۇرشاق تۇقىمداستار: 4 كەلى؛

جەمىستەر، جاڭعاقتار: 2,5 كەلى؛

ءسۇت، ءسۇت ونىمدەرى: 2,6 كەلى؛

بالىق، ەت، جۇمىرتقا نەمەسە تۇتاس جۇمىرتقا ۇنتاعى: 1,5 كەلى؛

مايلار: 0,375 كەلى.

گەرمانيا تۇرعىنى ازىق-تۇلىك قورىن جوسپارلاعاندا جەكە قاجەتتىلىگىن، ديەتالىق تالابى مەن اللەرگياسىن ەسەپكە الۋى ءتيىس.

ءدارى-دارمەكتەرگە قاتىستى جەكە ءتىزىم بولعانى ءجون، ولاردىڭ اراسىندا اۋىرسىنۋدى باساتىن، سۋىققا قارسى، دەزينفەكسيالىق، ديارەياعا قارسى جانە باسقا دا ءدارى-دارمەكتەر بولۋى كەرەك.

سوڭعى جاڭالىقتار