الماتى وبلىسىندا 10 جاستاعى بالا كارت تەبەم دەپ مەرت بولدى - ۆيدەو

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، جەتكىنشەك كارت ماشيناسىن باسقارىپ كەلە جاتىپ، پلاستماسسادان جاسالعان زاتتاردان قويىلعان قورشاۋدى بۇزىپ ءوتىپ، جول بويىندا تۇرعان گاز-53 كولىگىنە سوعىلعان.
«وقيعانىڭ كۋاگەرلەرىنىڭ ايتۋىنشا، جەتكىنشەك مىنگەن كارتتى ونىڭ ارتىنان كەلە جاتقان، كارت قاققان. سونىڭ ينەرتسياسىمەن جارىس ماشيناسى قورشاۋدان بۇزىپ شىققان. كۋاگەرلەردىڭ سوزىنشە، وقيعا ورنىندا ىلە اۋدانى پوليتسياسىنىڭ جەدەل تەرگەۋ توبى جۇمىس ىستەپ جاتىر. ءتارتىپ ساقشىلارى قايعىلى وقيعانىڭ ءمان-جايىن انىقتاپ جاتىر. ولار قازىر كۋاگەرلەردەن جاۋاپ الۋدا»، - دەپ حابارلادى الماتى وبلىستىق پوليتسيا دەپارتامەنتىنىڭ باسپا ءسوز قىزمەتى.
الەۋمەتتىك جەلىدە مەرت بولعان بالانىڭ تۋىستارى ءتۇسىرىپ، تاراتقان ۆيدەو ءجۇر.
اۆتور تالعاتجان مۇحامەتبەك ۇلى