20:47, 26 - ءساۋىر 2022 | GMT +5
پەتروپاۆلدا 10 گەكتار جەر ورتەندى
نۇر-سۇلتان.قازاقپارات - بۇل جولى قالا شەتىندەگى بەرەكە ىقشام اۋدانىندا 10 گەكتار جەردەگى قۇرعاق ءشوپ پەن قامىس جانىپ كەتتى.
كۇننىڭ ىستىعى مەن قاتتى جەلدەن لەزدە كۇش العان وت مۇناي قويمالارى مەن وندىرىستىك نىساندارعا دا قاۋىپ ءتوندىردى. ءتىلسىز جاۋمەن كۇرەسۋگە 15 بىرلىك ارنايى تەحنيكا مەن 55 قۇتقارۋشى جۇمىلدىرىلدى. سونىمەن قاتار كوممۋنالدىق قىزمەت جۇمىسشىلارى سۋ تاسۋ جۇمىسىن ۇيىمداستىردى.
مارات سىزدىقوۆ، ت ج د ءورت ءسوندىرۋ قىزمەتى باستىعىنىڭ ورىنباسارى:
- ءورتتى سوندىرۋگە قاتتى جەل كەدەرگى كەلتىرىپ تۇر. جانە دە باتپاقتان تەحنيكالارىمىز وتە الماي جاتىر. مۇناي قويمالارى بوس. ولار 2014 -جىلدان بەرى جۇمىس ىستەمەيدى.
www.24.kz
