الداعى كۇندەرى سولتۇستىك ايماقتاردا 10- گرادۋسقا دەيىن كۇن سۋىتادى
الداعى كۇندەرى ەلىمىزدىڭ سولتۇستىك وڭىرلەرى سولتۇستىك- باتىس انتيتسيكلوننىڭ ىقپالىندا بولادى، بۇل جاۋىن- شاشىننىڭ توقتاۋىنا ىقپال ەتەدى. الايدا، تۇنگى اۋا تەمپەراتۋراسى 5-10 گرادۋسقا دەيىن تومەندەۋى مۇمكىن.
«ال سيكلوننىڭ جەرورتا تەڭىزى ايماعىنان ىعىسۋى رەسپۋبليكانىڭ قالعان اۋماعىنىڭ جاۋىن- شاشىندى بولۋىنا سەپتىگىن تيگىزەدى. ءتىپتى، كەي جەرلەردە قاتتى جاڭبىر جاۋادى. ەلدىڭ شىعىسى مەن ورتالىعىندا جاڭبىر جاۋىپ، قار ۇشقىندايدى دەپ كۇتىلۋدە. تۇمان، كوكتايعاق بولۋى دا ىقتيمال»، - دەپ جازدى ۆەدومستۆو.
ەلىمىزدىڭ وڭتۇستىگىندە نايزاعاي ويناپ، بۇرشاق جاۋىپ، قاتتى جەل سوعادى. 25- ساۋىرگە قاراي ەلدىڭ باسىم بولىگىندە (وڭتۇستىك وڭىرلەردى قوسپاعاندا)، سونىڭ ىشىندە سولتۇستىكتە 10-18 گرادۋسقا دەيىن، ال باتىستا 20-25 گرادۋسقا دەيىن كۇندىزگى اۋا تەمپەراتۋراسى بىرتىندەپ كوتەرىلەدى.
