تانىمال ۆاينەرلەر مەيىرجان تورەبايەۆ پەن مەيىرحان شەرنيازوۆ 10 تاۋلىككە قامالدى

«تەرگەۋ سوتىنىڭ قاۋلىسى بويىنشا مەيىرجان تورەبايەۆ پەن مەيىرحان شەرنيازوۆقا قاتىستى بۇلتارتپاۋ شاراسىن كەپىلدەن 10 تاۋلىك مەرزىمگە كۇزەتپەن ۇستاۋعا وزگەرتۋگە سانكسيا بەرىلدى، - دەلىنگەن حابارلامادا.
19- ءساۋىر كۇنى الماتىدا «Mudaraban Capital» قارجى پيراميداسىنىڭ ءتورت ۇيىمداستىرۋشىسى قاماۋعا الىنعانى تۋرالى جازعان بولاتىنبىز.
ەسكە سالايىق، اتالعان تۇلعالار ق ر قىلمىستىق كودەكسىنىڭ 217-بابى 3-بولىگى بويىنشا الماتى قالالىق پوليتسيا دەپارتامەنتى تەرگەۋ باسقارماسى تەرگەپ جاتقان قىلمىستىق ءىس بويىنشا كۇدىكتى رەتىندە تانىلعان ەدى.
ايتا كەتەيىك، اتالعان ىسكە قاتىسى بار دەگەن كۇدىكپەن تانىمال ۆاينەرلەر مەيىرجان تورەبايەۆ پەن مەيىرحان شەرنيازوۆ كۇدىكتى رەتىندە ۇستالعان بولاتىن. كەيىن تەرگەۋ سوتى ەكەۋىنە قاتىستى «كەپىلمەن بوساتۋ» تۇرىندەگى بۇلتارتپاۋ شاراسىن سانكسيالادى. ءۇشىنشى كۇدىكتى - تاعى ءبىر تانىمال ۆاينەر ازيمجان سايدبايەۆقا ىزدەۋ جاريالاندى. 15- ءساۋىر كۇنى ق ر باس پروكۋرورىنىڭ ورىنباسارى اسەت شىنداليەۆ قارجى پيراميداسىن قۇرۋ ءىسى بويىنشا تەرگەۋ اياقتالعانىن ءمالىم ەتكەن ەدى.
اۆتور: الما مۇقانوۆا