وسكەمەن تۇرعىنى 10 جىل بويى ەكى ەلدەن زەينەتاقى الىپ كەلگەن
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، زەينەتاقى تولەۋ جونىندەگى مەملەكەتتىك ورتالىقپەن دەرەكتەردى سالىستىرۋ بارىسىندا ەكى ەلدەن زەينەتاقى الىپ كەلە جاتقان وسكەمەندىك انىقتالدى. 2004 -جىلى ول رەسەي فەدەراتسياسىنىڭ التاي ايماعىندا شەت مەملەكەتتىڭ ازاماتتىعىن الىپ، ءتولقۇجاتىن راسىمدەگەن. الايدا بۇل تۋرالى قازاقستان رەسپۋبليكاسىنىڭ ءتيىستى ورگاندارىنا حابارلاماعان. 71 جاستاعى ايەل زەينەت جاسىنا جەتكەننەن كەيىن 10 جىل بويى رەسەيدەن دە، قازاقستاننان دا اقشا الىپ كەلگەن.
«قازاقستاندىق قۇجاتتاردى پايدالانعانى ءۇشىن وعان ق ر ا ق ب ت ك- ءنىڭ 496-بابى بويىنشا 100 ا ە ك مولشەرىندە ايىپپۇل سالىندى. ەندى بارلىق زاڭسىز الىنعان قاراجات مەملەكەت پايداسىنا قايتارىلادى. قۇجاتتارى تاركىلەنگەن ايەل قازاقستان ازاماتتىعىنان ايىرىلدى»، - دەيدى وبلىستىق پ د باستىعىنىڭ ءبىرىنشى ورىنباسارى ەلدوس زاكيموۆ.
اۆتور: تالعاتجان مۇحامەتبەك ۇلى
