جاپونيادا 10 مىڭ شەتەلدىك بالانىڭ مەكتەپكە بارماۋىنا بولادى

None
None
توكيو. Kyodo-قازاقپارات - جاپونيا ۇكىمەتىنىڭ جۇما كۇنى جاريالاعان مالىمەتتەرى بويىنشا، ەلدە باستاۋىشتان ورتا مەكتەپ جاسىنا دەيىنگى بارلىق شەتەلدىك بالالاردىڭ شامامەن 7 پايىزى نەمەسە 10046 بالانىڭ مەكتەپكە بارماۋىنا بولادى، دەپ حابارلايدى قازاقپارات kyodo اگەنتتىگىنە سىلتەمە جاساپ.

2021 -جىلدىڭ مامىرىنداعى جاعداي بويىنشا مۇنداي مەكتەپكە بارمايتىن بالالاردىڭ سانى 2019 -جىلى ءبىلىم مينيسترلىگى جۇرگىزگەن سوڭعى ساۋالنامادان ەكى ەسەگە نەمەسە 9425 كە قىسقارىپ وتىر. ساۋالناما جاپونيانىڭ 1741 مۋنيتسيپاليتەتىندە جۇرگىزىلدى، رەزيدەنتتىك تىركەۋدە تىركەلگەن 133310 شەتەلدىك بالا قامتىلدى. وندا 649 بالانىڭ مەكتەپكە بارماعانى انىقتالدى، ال 9397 بالانىڭ مەكتەپكە بارۋى راستالمادى.

ەلدەگى شەتەلدىك بالالاردىڭ جاپوندىق قۇرداستارىنان ايىرماشىلىعى، ولار ءۇشىن باستاۋىش جانە ورتا مەكتەپ ءبىلىمى مىندەتتى ەمەس. ءبىراق وزدەرى قالاسا، تەگىن ءبىلىم الا الادى. شەتەلدىك بالالارعا كومەكتەسۋ ماقساتىندا 2023 -جىلدىڭ ءساۋىر ايىنان باستاپ جالپى ءبىلىم بەرەتىن مەكتەپتەردەگى ارنايى جاپون ءتىلى ساباقتارىن رەسمي بىرلىك رەتىندە تانۋ جۇيەسىن ەنگىزۋ شەشىمى قابىلداندى.

سوڭعى جاڭالىقتار