10 مىڭ دوللاردان اساتىن قولما-قول ۆاليۋتا مەن التىندى شەتەلگە شىعارۋعا تىيىم سالىندى - جارلىق

نۇر-سۇلتان. قازاقپارات - مەملەكەت باسشىسى قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى قاۋلىعا قول قويدى، دەپ حابارلايدى قازاقپارات اقورداعا سىلتەمە جاساپ.

قازاقستان رەسپۋبليكاسىنىڭ ۇلتتىق مۇددەلەرىن قورعاۋ جانە قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ ماقساتىندا قاۋلى ەتەمىن:

1. قازاقستان رەسپۋبليكاسىنان:

1) قازاقستان رەسپۋبليكاسىنىڭ ۇلتتىق بانكى اكەتۋ كۇنىنە بەلگىلەگەن باعام بويىنشا ەسەپتەلگەن جانە 10000 (ون مىڭ) ا ق ش دوللارى بالاماسىنان اساتىن سوماداعى قولما-قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن؛

2) قازاقستان رەسپۋبليكاسىنىڭ ۇلتتىق بانكى شىعاراتىن اففينيرلەنگەن التىننىڭ 5، 10، 20، 50 جانە 100 گرام التىن قۇيمالارىن جانە التىننان جاسالعان «ALTYN BARYS» جانە كۇمىستەن جاسالعان «KعMIS BARYS» ينۆەستيتسيالىق مونەتالارىن، سونداي-اق 100 گرامنان استام اففينيرلەنگەن التىندى اكەتۋگە تىيىم سالىنسىن.

2. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ ۇلتتىق بانكىمەن جانە باسقا دا مۇددەلى مەملەكەتتىك ورگاندارمەن بىرلەسىپ وسى جارلىقتى ىسكە اسىرۋ جونىندە قاجەتتى شارالار قابىلداسىن.

3. وسى جارلىق رەسمي جاريالانعان كۇنىنەن باستاپ كۇشىنە ەنەدى.

قازاقستان رەسپۋبليكاسىنىڭ پرەزيدەنتى

ق. توقايەۆ

نۇر-سۇلتان،

اقوردا،

2022-جىلعى 14-ناۋرىز

830№