ءسىزدى باقىتتى ەتۋگە كومەكتەسەتىن 10 ۋادە
توقتاڭىز، ويلانىپ كورىڭىز. ءوزىڭىز جايلى ۇمىتىپ كەتكەن جوقسىز با؟ قازىرگى ءومىر ءۇشىن بۇل قالىپتى قۇبىلىس. الايدا وزىڭىزگە بىرنەشە ۋادە بەرۋ ارقىلى ءومىر ءسۇرۋدى جەڭىلدەتۋگە بولادى.
مەن وزىمە ەڭ جاقسى قولداۋشى بولامىن
ءوزىڭىزدى قولداۋدى ۇيرەنۋگە ۋادە بەرىڭىز. سىرتقى تىرەكتىڭ — سۇيىكتى ادام، اتا- انا، دوستاردىڭ بولعانى جاقسى. ءبىراق ىشكى تىرەك بولۋى دا ماڭىزدى ءرول اتقارادى. سوندىقتان قيىن ۋاقىتتا رۋحىڭىزدى كوتەرۋ كەرەك كەزدە وزىڭىزگە بىرنەشە جىلى سوزدەر ايتىڭىز. باستاپقىدا ونىڭ تۇك پايداسى جوق سەكىلدى كورىنۋى مۇمكىن. ءبىراق مۇنداي ءادىس ءتيىمدى ناتيجە بەرە الادى.
ارتىما قاراپ ءومىر سۇرمەيمىن
كوپ جىل بۇرىن جىبەرگەن قاتەلىكتەر مەن ارەكەتتەر قازىرگى كەزدى توقتاتادى جانە بولاشاقتا تا بۇل جۇك دامۋعا مۇمكىندىك بەرمەيدى. سوندىقتان بارلىق نارسەگە تاجىريبە رەتىندە قاراڭىز. جامان نەمەسە جاقسى جاعداي بولسىن، اركىم وزدىگىنشە مەكتەپتەن ساباق الادى. مۇنداي تاجىريبەلەردەن قورىتىندى شىعارىپ، ارى قاراي جىلجي الۋ كەرەك. سول ءۇشىن دە كەلەسى جولى وكىنەردە وزىڭىزگە قانداي ۋادە بەرگەنىڭىزدى ۇمىتپاڭىز.
مەن ءوزىم قالاعانداي ءومىر سۇرەمىن
وزىڭىزگە ارمانداعان ءومىرىڭىزدى سۇرۋگە رۇقسات بەرىڭىز. ءوز ىسىڭىزبەن اينالىسۋدى ارماندايسىز با؟ ارمانىڭىزدى ماقساتقا اينالدىرىڭىز! ءادىسىن تاۋىپ، وعان بىرتىندەپ جىلجۋدى باستاڭىز. ادەتتە، قولىمىزدان كەلمەيدى نەمەسە اقىلىم، اقشام جەتپەيدى دەپ ءوزىمىزدى شەكتەيمىز. قالاساڭىز، ءبارىن ۇيرەنۋگە بولادى. العاشقى قادامدى جاساڭىز — وزىڭىزگە ۋادە بەرىڭىز.
مەنى باقىتسىز ەتەتىن ادامداردان اۋلاق بولامىن
كەي ادامدار ءبىزدىڭ ومىرىمىزگە تەك قانداي دا ءبىر ساباق بەرۋگە كەلەدى. ولار ءوزىمىزدى جاقسى كورۋدى نەمەسە باسقالار جايلى ويلاۋدى ۇيرەتۋى مۇمكىن. ولار تۇزەۋ كەرەك مىنەزىمىزدى كورسەتۋى مۇمكىن. پسيحولوگتاردىڭ ايتۋىنشا، ادامدار — اينالار. ەگەر ادامنىڭ قانداي دا ءبىر مىنەزى نەمەسە ارەكەتى ءبىزدىڭ اشۋىمىزدى كەلتىرسە، ول ءبىزدىڭ ءىشىمىزدى جاسىرۋلى بولۋى مۇمكىن. سوندىقتان ونى كورە الۋ كەرەك. ساباق العان سوڭ ول ادام بىزدەن كەتۋى مۇمكىن. جاڭا ءبىلىم ءۇشىن العىس ايتىپ، ونى جىبەرە ءبىلۋ ماڭىزدى.
بارىمدى باعالايمىن
ومىرىڭىزدەگى بار جاقسىلىقتاردى باعالاڭىز. بۇل ءماتىندى وقىپ وتساڭىز، ءسىز كورە الاسىز، وقۋعا جانە وزىڭىزبەن جۇمىس جاساۋعا ۋاقىتىڭىز بار، وسىلاردى وقۋعا ارنالعان قۇرىلعىڭىز دا بار. كەي ادامدار ءۇشىن مۇنداي قاراپايىم زاتتار دا قولجەتىمسىز. ءومىرىڭىز ءالى ءوزىڭىز قالاعانداي بولماسا دا، بۇلاردىڭ ءبارى ونى باعالاۋ ءۇشىن جەتكىلىكتى.
مەن بەرىلمەيمىن
قانشاما ادام ءبىر- ەكى رەت تىرىسىپ، جولدىڭ جارتىسىن دا جۇرمەي، بەرىلىپ، قالاعانىنا جەتكەن جوق. ارينە، وتە كۇردەلى جاعدايلار بولادى. ءبىراق جاڭبىرلى كۇندەردەن سوڭ ءبىر كۇنى كۇن شىعادى. سوندىقتان شەشىم قابىلداۋعا اسىقپاڭىز. ۋايىمداۋىڭىز، قورقۋىڭىز جانە كۇماندانۋىڭىز مۇمكىن. بۇل قالىپتى. ءوزىڭىزدى قولداڭىز جانە بەرىلمەڭىز.
از نارسەگە كەلىسپەيمىن
ءوزىڭىزدى قانشالىقتى قۇندى ساناساڭىز، باعاڭىز دا سونشا. ەگەر ءوزىڭىزدى جاقسى جالاقىعا نەمەسە قامقور سەرىككە لايىقتى ساناماساڭىز، وعان قولىڭىز جەتپەيدى. سوندىقتان جاقىن ادامىڭىزعا نەمەسە باستىعىڭىزعا جاعامىن دەپ نەمەسە كوڭىلىن تابامىن دەپ بار بولمىسىڭىزدان تومەن كورىنۋگە تىرىسپاڭىز. ءوز ماڭىزدىلىعىڭىزدى تۇسىرمەۋگە ۋادە بەرىڭىز. از نارسەگە كەلىسپەڭىز، كەرىسىنشە، كوبىرەككە ۇمتىلىڭىز. وزىڭىزگە شەكتەۋلەرگە قادالماي، مولشىلىققا سەنۋگە مۇمكىندىك بەرىڭىز.
مەن ءبىلىم الامىن جانە داميمىن
ءوز ءبىلىمىڭىز بەن داعدىڭىزدى ۇنەمى جەتىلدىرۋ كەرەك. سەبەبى ۇيرەنەتىن نارسە ءارقاشان تابىلادى. بۇل تابىسقا جەتۋدىڭ — نەگىزگى فاكتورلارىنىڭ ءبىرى. باستاپقىدا ءمانسىز كورىنسە دە، ءبىلىم الۋدى توقتاتپاۋعا ۋادە بەرىڭىز. كەيىن ونىڭ قانداي جەمىس بەرەتىنىن كورەسىز.
مەن جەكە شەكارامدى قورعايمىن
جەكە شەكارا قويىپ ۇيرەنۋ ارتىق ەتپەيدى. بۇل ارقىلى ءوزىڭىزدى رەنجىتكىزبەۋگە، ءوز كوزقاراسىڭىزدى قورعاۋعا جانە «جوق» دەپ ايتۋدى ۇيرەنەسىز. قانداي دا ءبىر ارەكەت نورماسىن ساقتاماعان اداممەن قوشتاسۋعا اركەز مۇمكىندىك بار.
مەن ءوزىمدى تىڭدايمىن
مۇنى ىشكى سەزىم نەمەسە ينتۋيتسيا دەپ اتايدى. كەيدە ينتۋيتسيا جاقسى كەڭەس بەرەدى. قاي كەزدە اقىلمەن، ال قاي ۋاقىتتا جۇرەكپەن ارەكەت ەتۋ كەرەگىن ءتۇسىنۋ ءۇشىن ءوزىڭىزدى تىڭداپ ۇيرەنىڭىز.
