فرانسۋز انالارىنىڭ 10 كەرەمەت ەرەجەسى

نۇر- سۇلتان. قازاقپارات - ​ ​ءۇش بالانىڭ اناسى جانە جازۋشى پامەلا درۋكەرمان ءوزىنىڭ بەستسەللەرىندە فرانسۋز بالالارىنىڭ نەلىكتەن اقىلدى جانە ءتىلالعىش بولىپ كەلەتىندىگىنىڭ قۇپياسىمەن بولىسەدى. سونىمەن...

جازۋشىنىڭ 10 كەڭەسى:

1 ەرەجە: كەمشىلىكسىز انالار بولمايدى

جۇمىستاعى انا ءاردايىم وتباسى مەن جۇمىسىنىڭ اراسىندا جۇرەدى. ول بارلىق نارسەنى تياناقتى جانە ويداعىداي ەتىپ ىستەگىسى كەلەدى. ال فرانسۋز ايەلدەرىندە «كەمشىلىكسىز انالار بولمايدى» دەگەن سۇيىكتى دايەكسوزى بار. سوندىقتان ءمىنسىز بولۋعا تىرىسپاڭىز.

2 ەرەجە: ءسىزدىڭ ءاردايىم ءوز تابىس كوزىڭىز بولۋى كەرەك

فرانسۋز انالارىنىڭ پىكىرىنشە ءار ايەل ادامىنىڭ ءوز تابىس كوزى بولۋى ءتيىس. ءسىزدىڭ جۇبايىڭىز تابىستى بولعان جاعدايدىڭ وزىندە ەرتەڭ سەنى نە كۇتىپ تۇرعانىن كىم بىلەدى.

3 ەرەجە: بۇكىل ءومىرىڭدى تەك بالاعا عانا ارناعان دۇرىس ەمەس

اتا- انا ءاردايىم ءوز بالاسىنا قامقورلىعىن ءبىلدىرىپ وتىرادى. دەگەنمەن وزىڭە دە ۋاقىت ءبولىپ تۇرۋدى ۇمىتپاۋ كەرەك. كوڭىلىڭىزگە جاقىن ءبىر ىسپەن اينالىسۋ كەرەكتىگىن ەستەرىڭىزگە سالىپ وتىرادى.

4 ەرەجە: ءبىر ۋاقىت بالانىڭ سىزدەن دەمالعانى دۋرىس

بالانىڭ قاسىندا ۇدايى بولساڭىز جالتاق بولىپ ءوسۋى مۇمكىن. دەگەنمەن بۇل بالانى اپتالاپ تاستاپ كەتۋ كەرەك دەگەن ەمەس.

5 ەرەجە: ءوزىڭىزدى كىنالى سەزىنۋدەن اۋلاق بولىڭىز

بالانىڭ الدىندا ءوزىڭىزدى جۇمىس ىستەگەنىڭىز ءۇشىن كىنالى سەزىنۋدىڭ قاجەتى جوق. باستىسى- بوس ۋاقىتىڭىزدى بالامەن ءتيىمدى وتكىزۋ.

6 ەرەجە: «تاكسي- انا» بولماڭىز

بۇل ەرەجە الدىڭعى ەرەجەمەن تىكەلەي بايلانىستى. مەكتەپتەن تىس سەكتسيالار مەن ۇيىرمەلەرگە ورىنسىز جازا بەرۋدىڭ قاجەتى جوقتىعىن فرانسۋز انالارى جاقسى بىلەدى.

​7 ەرەجە: اتا- انالاردىڭ ءوزارا قارىم-قاتىناستارىنا بالا قاتىسپايدى

وتباسىنى نەگىزى ەرلى- زايىپتىلاردىڭ قارىم- قاتىناسى ەكەنىن ۇمىتپاۋ كەرەك. سوندىقتان تەك بالا عانا ەمەس جۇبايىڭىزعا دا كوڭىل ءبولۋدى ۇمىتپاڭىز.

8 ەرەجە: جۇبايىڭىزدان ءۇي جۇمىسى مەن بالا تاربيەسىنە تەڭ دارەجەدە قاتىسۋىن تالاپ ەتپەڭىز

جۇمىستان قولىڭىز تيمەي جاتسا دا جۇبايىڭىزدى ءۇي جۇمىسىن ىستەۋگە تەڭ دارەجەدە قاتىستىرماڭىز. ويتكەنى فرانسۋز ايەلدەرىنە ءوزارا قارىم- قاتىناستىڭ گارمونياسى وتە ماڭىزدى.

9 ەرەجە: كەش - ەرەسەكتەردىڭ ۋاقىتى، ال ءار ايدىڭ ءبىر دەمالىسى شاعىن «بال ايى»

فرانسيادا اتا- انالار ءار ايدىڭ ءبىر دەمالىسىن تەك وزدەرىنە ارنايدى. بۇل كەشكى اس نەمەسە كينو مەن تەاترعا سەرۋەن بولۋى مۇمكىن. باستىسى بالالار مەن جۇمىستىڭ قاتىسى جوق.

10 ەرەجە: بوسس - بۇل ءسىز

وتباسى پيراميداسىنىڭ باسىندا تۇرعان ءسىز ەكەنىڭىزدى ءتۇسىنۋ كەرەك. ارينە، بۇنى قابىلداۋ قيىن. ءبىراق دەگەنمەن بارلىق ماڭىزدى شەشىمدەردى قابىلدايتىن تەك ءسىز جانە جاۋاپكەرشىلىك تەك سىزدە جاتقانىن ۇمىتپاڭىز. سوندىقتان شەرۋدى تەك ءسىز باسقاراسىز!

دەرەككوزى: econet.ru