ەلىمىزدە 10 مىڭ جاس ساباققا بارماستان ستۋدەنت رەتىندە تىركەلىپ كەلگەن
نۇر-سۇلتان. قازاقپارات - ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا 2021 -جىلعى ىسكە اسقان باستامالارىن سانامالاپ، جوعارى وقۋ ورىندارىنداعى باسسىزدىقتارمەن كۇرەس قالاي جۇرگەنىن ەسكە الدى، دەپ حابارلايدى قازاقپارات ءتىلشىسى.
«ءبىلىم ساپاسى تومەن 15 جوعارى وقۋ ورنى جۇمىسىن توقتاتتى. تاعى وقىتۋ ساپاسى ناشار 65 ج و و- دان 500-دەن استام ليتسەنزيا كەرى قايتارىلدى. سونداي-اق 30 كوللەدج جۇمىسىن توقتاتىپ، ءتيىستى دەڭگەيدە ءبىلىم بەرمەگەن ماماندىقتار بويىنشا 2000 ليتسەنزيا مينيسترلىككە قايتارىلدى. 100 مىڭنان استام ستۋدەنت باسقا جوعارى وقۋ ورىندارىنا اۋىستىرىلدى. سونىمەن قاتار تەكسەرۋ كەزىندە ءىس جۇزىندە وقىتىلماعان ون مىڭعا جۋىق ستۋدەنت وقۋدان شىعارىلدى. جوعارى وقۋ ورىندارىندا ولاردىڭ قۇجاتتارى دا بولماعان»، - دەدى ۆەدومستۆو باسشىسى.
ونىڭ ايتۋىنشا، 2021 -جىلى جەكەمەنشىك مەكتەپتەر سانى ارتقان.
«وتكەن جىلى 170 كە جۋىق جەكەمەنشىك مەكتەپ اشىلدى. بۇل، ەڭ الدىمەن، جان باسىنا قارجىلاندىرۋدى ەنگىزۋ جانە مەملەكەتتىك تاپسىرىستى ورنالاستىرۋدىڭ ناتيجەسىندە جۇزەگە اسىرىلدى»، - دەپ جازدى مينيستر.
اسحات ايماعامبەتوۆ جەلىدەگى جازباسىندا جوعارى وقۋ ورىندارىنىڭ باسشىلارى كونكۋرستىق ءراسىم ارقىلى قايتا تاعايىندالعانىن اتاپ ءوتتى.
«باسشىلىققا بىلىكتى ءارى جاس ماماندار كەلدى. ولاردىڭ اراسىندا كەمبريدج ۋنيۆەرسيتەتىنىڭ، پەنسيلۆانيا ۋنيۆەرسيتەتىنىڭ، نازاربايەۆ ۋنيۆەرسيتەتىنىڭ، «بولاشاق» باعدارلاماسىنىڭ جانە الەمنىڭ باسقا دا جەتەكشى ۋنيۆەرسيتەتتەرىنىڭ تۇلەكتەرى بار. سونداي-اق، الەمنىڭ جەتەكشى ۋنيۆەرسيتەتتەرىنىڭ 20-دان استام تۇلەگى پروۆوست جانە پرورەكتور بولىپ تاعايىندالدى. پرەزيدەنتتىك جاستار كادرلىق رەزەرۆىنىڭ مۇشەلەرى مينيسترلىك پەن ۆەدومستۆولىق باعىنىشتى ۇيىمدارداعى جۇمىسقا بەلسەنە ارالاسا باستادى»، - دەدى ءبىلىم جانە عىلىم ءمينيسترى.
اۆتور: ەسىمجان ناقتىباي
