ءبىر كۇندە كوروناۆيرۋس پەن پنيەۆمونيادان 10 ناۋقاس قايتىس بولدى

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.

وعان سايكەس، 5-جەلتوقسان كۇنى قازاقستان اۋماعىندا 6 ادام - كوروناۆيرۋستان، تاعى 4 سىرقات - پنيەۆمونيادان قايتقان. نۇر- سۇلتان جانە الماتى قالالارىندا، سونىمەن قاتار جامبىل، قاراعاندى، قىزىلوردا، پاۆلودار وبلىستارىندا ءبىر ادامنان كوز جۇمعان.

ەلىمىزدىڭ تەك 6 وڭىرىندە قايعىلى جاعدايلار بولعان. ال شىمكەنت قالاسى مەن اقمولا، الماتى، اتىراۋ، اقتوبە، شىعىس قازاقستان، قوستاناي، باتىس قازاقستان، سولتۇستىك قازاقستان، ماڭعىستاۋ جانە تۇركىستان وبلىستارىندا كوروناۆيرۋستان ءولىم- ءجىتىم بولعان جوق.