ەلورداداعى ەلەكتروندى ەڭبەك بيرجاسىندا 10 مىڭنان استام بوس جۇمىس ورنى بار
ازاماتتار enbek.kz ەلەكتروندى ەڭبەك بيرجاسىندا وزدەرىنە لايىقتى بوس جۇمىس ورنىن ىزدەي الادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
بۇگىنگى كۇنى، ياعني 24-تامىزدا ە- ەڭبەك بيرجاسىندا نۇر- سۇلتان قالاسى بويىنشا 10503 بوس جۇمىس ورنى بار، ەلوردادا جۇمىس ىزدەۋشىلەر 5 مىڭنان استام تۇيىندەمە جىبەردى.
جۇمىس بەرۋشىلەر كۇزەتشىلەر مەن ءۇي- جايلاردى جيناۋشىلار ءۇشىن 42500 تەڭگەدەن باستاپ، اۆياتسيا ينسپەكتورلارى مەن IT- جوبالار مەنەدجەرلەرى ءۇشىن 600 مىڭ تەڭگەگە دەيىن جالاقى ۇسىنادى.
ەلەكتروندىق ەڭبەك بيرجاسىندا ءسىز تۇراقتى جۇمىس تۋرالى 3 مىڭنان استام جارنامانى تابا الاسىز، شامامەن 600 ۋاقىتشا، 14 ماۋسىمدىق جانە 8 قاشىقتان. بۇگىندە ەلوردادا سۇرانىسقا يە ماماندىقتار تىزىمىنە: مەديتسينالىق بيكە، اعا مەديتسينالىق بيكە، تاربيەشى، تاربيەشىنىڭ كومەكشىسى، ساتۋ جونىندەگى مەنەدجەر، كۇزەتشى، جۇك اۆتوموبيلىنىڭ جۇرگىزۋشىسى، ماشينيست، ءاسۇي جۇمىسشىسى، ساتۋشى، اسپاز، سلەسار- جوندەۋشى، بۋحگالتەر، توكار، اۆتوموبيل جۇرگىزۋشىسى، اكىمشى جانە ت. ب. كىرەدى. ءۇش جىل بۇرىن ديپلوم العان جوو تۇلەكتەرى العان ماماندىعى بويىنشا باستاپقى تاجىريبە الۋ ءۇشىن جاستار پراكتيكاسىنان وتە الادى. ۇزاقتىعى التى ايدان اسپايدى. اي سايىنعى جالاقى 25 ا ە ك قۇرايدى.
Enbek.kz سايتىندا «جاستار تاجىريبەسى» ساناتىندا 300 بوس جۇمىس ورنى ۇسىنىلدى. «قوعامدىق جۇمىستار» باعىتى بويىنشا 138 بوس جۇمىس ورنى بار. بۇل جۇمىس ورىندارى الدىن الا كاسىبي دايىندىقتى قاجەت ەتپەيدى. ەلوردانىڭ حالىقتى جۇمىسپەن قامتۋ ورتالىعى قالا تۇرعىندارىن ۋاقىتشا جۇمىسپەن قامتاماسىز ەتۋ ءۇشىن الەۋمەتتىك پايدالى باعىتتاعى قوعامدىق جۇمىستاردى ۇسىنادى. ۇزاقتىعى: 12 ايدان اسپايدى، جالاقىسى كەمىندە 2 ە ت ج (ەڭ تومەنگى جالاقى) مولشەرىندە (جالاقى - 85000 تەڭگە، قولعا - 73100 تەڭگە).
جۇمىسقا ورنالاستىرۋ بويىنشا سايتتا تاعى 20 بوس جۇمىس ورنىن «الەۋمەتتىك جۇمىس ورىندارى» باعىتى ارقىلى تابۋعا بولادى. ولاردى جۇمىس بەرۋشى تابىسى از جانە كوپبالالى وتباسىلاردىڭ مۇشەلەرىن، مۇگەدەك بالالاردى تاربيەلەپ وتىرعان ادامداردى جانە حالىقتىڭ الەۋمەتتىك وسال توپتارى قاتارىنداعى باسقا دا ادامداردى جۇمىسقا ورنالاستىرۋ ءۇشىن ولاردىڭ جالاقىسىن سۋبسيديالاي وتىرىپ قۇرادى. ۇزاقتىعى 12 ايدان اسپايدى. اي سايىنعى سۋبسيديا مولشەرى بەلگىلەنگەن جالاقى مولشەرىنىڭ %35 ىن قۇرايدى.
ەلوردادا جۇمىسقا ورنالاسۋ تۋرالى تولىق اقپاراتتى حالىقتى جۇمىسپەن قامتۋ ورتالىعىنىڭ ماماندارىنان مىنا تەلەفون نومىرلەرى ارقىلى الۋعا بولادى: 578888، 578700، 87771168276.