قازاقستاندا ءار اپتادا كوروناۆيرۋسپەن اۋىرعاندار 10 پايىزعا ءوستى
بۇل تۋرالى بۇگىن ۇكىمەت وتىرىسىندا دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«قازاقستاندا ءبىر اپتاداعى كوروناۆيرۋسپەن ناۋقاستانۋ ءوسىمى 10 پايىزدى قۇرايدى. ق ر-دا دەلتا شتامىنىڭ انىقتالۋىنا بايلانىستى شىلدە ايىندا ناۋقاستانۋدىڭ ءوسىمى تىركەلدى. دەگەنمەن، تامىز ايىنىڭ باسىنان باستاپ كوروناۆيرۋس ينفەكسياسىمەن ناۋقاستانۋ ءوسىمىنىڭ باياۋلاۋى جانە نۇر-سۇلتان قالاسىندا COVID-19 بويىندا ەپيدەميولوگيالىق احۋالدىڭ تۇراقتانۋى بايقالادى»، - دەدى مينيستر.
ونىڭ دەرەگىنشە، الەمدە COVID-19-عا شالدىعۋ جانە ودان ءولىم- جىتىمگە قاتىستى احۋال تۇراقسىز بولىپ وتىر. بۇكىل الەمدە ك ۆ ي-دىڭ 204 ميلليون جاعدايى تىركەلگەن. كۇن سايىن 500 مىڭ ادام اۋرۋعا شالدىعىپ جاتىر. 4,3 ميلليون ادام قايتىس بولدى. قازىرگى ۋاقىتتا امەريكادا 78 ميلليون ەۋروپادا 60 ميلليوننان استام، وڭتۇستىك- شىعىس ازيادا 38 ميلليوننان استام، شىعىس جەرورتا تەڭىزى ەلدەرىندە 12 ميلليوننان استام جاعداي تىركەلگەن.
«دەگەنمەن، سوڭعى اپتادا ناۋقاستانۋدىڭ ەڭ جوعارى ءوسىمى جاپونيادا بايقالادى. بۇل ەلدە اپتا ىشىندە ناۋقاستانۋ 98 پايىزعا، يزرايلدە 75، ال ازەربايجاندا 69 پايىزعا ارتتى»، - دەدى الەكسەي سوي.