قىزمەتكەرلەردىڭ ۆاكسينانى العان-الماعانى 10-تامىزدان باستاپ تەكسەرىلە باستايدى
15-شىلدەدە ق ر باس مەملەكەتتىك سانيتار دارىگەرىنىڭ جاڭا قاۋلىسى شىققان بولاتىن. وندا مىندەتتى ۆاكسينالاۋ بەلگىلەنگەن ۇيىمداردىڭ ءتىزىمى مەن ەكپە جۇرگىزۋ مەرزىمى بەكىتىلگەن ەدى. اتاپ ايتقاندا، قاۋلىدا ۇيىمدار قىزمەتكەرلەرى ۆاكسينانىڭ ءبىرىنشى كومپونەنتىن 2021 -جىلدىڭ 10-تامىزىنا دەيىن، ەكىنشى كومپونەنتىن 1-قىركۇيەككە دەيىن الىپ ءبىتۋى تيىستىگى ايتىلعان. سوندا عانا ولار شتاتتىق رەجيمدە جۇمىسقا جىبەرىلەدى.
بۇعان دەيىن سونداي-اق، جۇمىس بەرۋشىلەر ۆاكسينالانباعان قىزمەتكەرلەرى ءۇشىن قانشا ايىپپۇل تولەيتىنىن جازعان بولاتىنبىز.
قىزمەتكەرلەرى ۆاكسينانى مىندەتتى تۇردە الۋى ءتيىس مەكەمەلەر:
1. قىزمەت كورسەتۋ وبەكتىلەرى: - حالىققا قىزمەت كورسەتۋ ورتالىقتارى (ح ق ك و)، «قازپوشتا» اق بولىمشەلەرى، ەكىنشى دەڭگەيدەگى بانكتەر، قارجى نارىعىنىڭ وبەكتىلەرى، ساقتاندىرۋ كومپانيالارى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، ايىرباستاۋ پۋنكتتەرى، لومباردتار، سۇلۋلىق سالوندارى، شاشتارازدار، حيميالىق تازالاۋ ورىندارى، كىر جۋۋ ورىندارى، فيتنەس، سپورت كەشەندەرى، سپورتتىق- ساۋىقتىرۋ ورتالىقتارى، سپا جانە ماسساج سالوندارى/ورتالىقتارى/كابينەتتەرى، مونشالار، ساۋنالار، باسسەيندەر، جاعاجايلار، تيپوگرافيالىق كورسەتىلەتىن قىزمەتتەر، تىگىن اتەلەسى، فوتوسالوندار، اياق كيىم شەبەرحانالارى، گۇل دۇكەندەرىنىڭ، اياق كيىم، كيىم جوندەۋ، ۇيىمداستىرۋ تەحنيكاسىن جوندەۋ جونىندەگى سەرۆيس، نوتاريۋس، بۋحگالتەر جانە كونسالتينگ، مانيكيۋر جانە پەديكيۋر، كوسمەتولوگيالىق قىزمەتتەردى كورسەتۋ جونىندەگى وبەكتىلەر، وزگە دە وبەكتىلەر.
2. ساۋدا وبەكتىلەرى: - ساۋدا ۇيلەرى، ساۋدا جەلىلەرى، ساۋدا- ويىن- ساۋىق ورتالىقتارى، دۇكەندەر، شاعىن ماركەتتەر، سۋپەرماركەتتەر، گيپەرماركەتتەر.
3. مادەنيەت جانە دەمالىس وبەكتىلەرى: - مۋزەيلەر، مۋزەي- قورىقتار، كىتاپحانالار، كونسەرتتىك ۇيىمدار، فيلارمونيالار، تەاترلار، كينوتەاترلار، كونسەرت زالدارى، كلۋبتار، گالەرەيالار، كورمەلەر، سيركتەر جانە باسقا دا مادەني- دەمالىس ۇيىمدارى.
4. قوناق ءۇي قىزمەتى: - قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقالار.
5. جولاۋشىلار تاسىمالى: - اۋەجايلار، تەمىرجول، اۆتوموبيل جانە سۋ ۆوكزالدارى، وزەن جانە تەڭىز پورتتارى، اۆتوستانتسيالار/اۆتووتپە جولدارى، جولاۋشىلارعا قىزمەت كورسەتۋ پۋنكتتەرى.
6. ءبىلىم بەرۋ جانە تاربيەلەۋ ۇيىمدارى: - مەكتەپتەر مەن بالاباقشالار، ەرەسەكتەر مەن بالالارعا ارنالعان وقۋ- وندىرىستىك كومبيناتتارى، باسقا دا مەكتەپتەن تىس ۇيىمدار.
7. ساناتوري- كۋرورتتىق جانە ساۋىقتىرۋ ماقساتىنداعى وبەكتىلەر: - ساناتوريلەر، دەمالىس ۇيلەرى /بازالارى/ ايماقتارى، پروفيلاكتورييلەر، بالالاردىڭ ساۋىقتىرۋ لاگەرلەرى (مەكتەپ جانىنداعى، قالا سىرتىنداعى)، تۋريستىك بازالار جانە باسقالار.
8. قوعامدىق تاماقتانۋ وبەكتىلەرى، ونىڭ ىشىندە ۇيىمداسقان ۇجىمداردا ورنالاسقان، سونداي- اق تاماق جەتكىزۋدى جۇزەگە اسىراتىن وبەكتىلەر، ستريت- فۋدتار.
9. بارلىق ۇلگىدەگى مەديتسينالىق- الەۋمەتتىك وبەكتىلەر: قارتتار، مۇگەدەكتەر ۇيلەرى، سابيلەر ۇيلەرى جانە باسقالارى.
10. دەنساۋلىق ساقتاۋ ۇيىمدارى: ونىڭ ىشىندە زەرتحانالار، ءدارىحانا ۇيىمدارى.
11. تىرشىلىكتى قامتاماسىز ەتۋ جانە كوممۋنالدىق شارۋاشىلىق وبەكتىلەرى: - سۋمەن جابدىقتاۋ، جىلۋمەن جابدىقتاۋ، ەلەكترمەن جابدىقتاۋ، اۋماقتاردى جيناۋ جانە قالدىقتاردى شىعارۋ، ءۇي- جايلار مەن اۋماقتاردى دەزينفەكسيالىق وڭدەۋ ۇيىمدارى، اۆاريالىق- قۇتقارۋ قىزمەتتەرى، پاتەر يەلەرى كووپەراتيۆتەرى جانە مۇلىك يەلەرىنىڭ بىرلەستىكتەرى.
12. ەكسكۋرسيالىق قىزمەت كورسەتەتىن ۇيىمدار: - دەمالىس وبەكتىلەرىنىڭ، ويىن- ساۋىق ويىن وبەكتىلەرىنىڭ (كومپيۋتەرلىك كلۋبتار، بيليارد زالدارى، بوۋلينگتەر، ويىن- ساۋىق ورتالىقتارى/ساياباقتارى، اتتراكسيوندار، اكۆاپاركتەر، كاراوكە، لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار.
13. بايلانىس جانە تەلەكوممۋنيكاتسيا وبەكتىلەرى.