استانادا ۇيدە قاراۋسىز قالىپ، 10-قاباتتىڭ بالكونىندا ويناپ وتىرعان ەكى ءبۇلدىرشىن قۇتقارىلدى - ۆيدەو
قالالىق توتەنشە جاعدايلار دەپارتامەنتىنىڭ باسپا ءسوز قىزمەتى اتاپ وتكەندەي، كەشە ساعات 18.02 كەزىندە ءورت ءسوندىرۋ قىزمەتىنىڭ «101» پۋلتىنە حابار كەلگەن.
وندا سارىارقا اۋدانى قوسشىعۇل ۇلى كوشەسىندە كوپقاباتتى ۇيلەردىڭ بىرىندە 10-قابات بيىكتىكتە ەكى بالانىڭ بالكوننان ويىنشىق لاقتىرىپ ويناپ وتىرعانى ايتىلعان. قۇتقارۋشىلاردىڭ كەلىپ جەتكەندە 2013 جانە 2015 -جىلى تۋعان ەكى بالانىڭ 10-قاباتتا بالكوننان ويىنشىق لاقتىرىپ ويناپ تۇرعانى انىقتالدى. بالالار ۇيدە ۇلكەندەردىڭ قاراۋىنسىز قالعان.
قۇتقارۋشىلاردىڭ جەدەل ءارى ۇيلەسىمدى ارەكەتىنىڭ ارقاسىندا اۆتوساتى ارقىلى بالالار قۇتقارىلىپ، پوليتسيا دەپارتامەنتىنىڭ قىزمەتكەرلەرىنە تاپسىرىلدى.
ەسكە سالا كەتسەك، سوڭعى قايعىلى وقيعا وسى جىلدىڭ 2-تامىزىندا بولعان ەدى. يمانبايەۆا كوشەسىندە كوپقاباتتى ءۇيدىڭ 8-قاباتىنىڭ تەرەزەسىنەن 4 جاسار بالا قۇلاپ، مەرت بولعان.
قۇرمەتتى تۇرعىندار، ەلوردالىق ت ج د تاعى دا ەسكەرتەدى:
- بالالاردى ۇلكەندەردىڭ قاراۋىنسىز قالدىرماڭىزدار
- بالالارعا قاۋىپسىزدىك تۋرالى ەسكەرتىڭىزدەر
- موسكيت تورىنا سەنبەڭىزدەر
- تەرەزەنىڭ جەلدەتكىشىنە تور ورناتىڭىزدار
- تەرەزەنىڭ جانىنا جيھاز قويماڭىزدار.