كوروناۆيرۋس: سيدنەي تۇرعىندارىنا ۇيدەن 10 شاقىرىمنان ارتىق ۇزاپ كەتپەۋگە نۇسقاۋ بەرىلدى

نۇر-سۇلتان. قازاقپارات- سيدنەيدە ەنگىزىلگەن كارانتين كوروناۆيرۋس جۇقتىرعاندار سانىنىڭ وسۋىنە بايلانىستى 28-تامىزعا دەيىن ۇزارتىلادى، دەپ حابارلايدى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ.

سيدنەيدىڭ بارلىق ۇيىمدارى قاشىقتان جۇمىس جاساۋ رەجيمىنە اۋىستىرىلدى، تاعام جەتكىزۋ قىزمەتتەرىن قوسپاعاندا، قوعامدىق تاماقتانۋ ورىندارى جابىلدى. ازاماتتارعا اسا قاجەتتىلىك تۋىنداماسا سەبەپسىز كوشەگە شىقپاۋعا جانە ۇيدەن 10 شاقىرىمنان ارتىق ۇزاپ كەتپەۋگە نۇسقاۋ بەرىلدى. «پاندەميانىڭ ءتورتىنشى تولقىنى بۇكىل فرانتسيانى شارپىدى»، - دەپ مالىمدەدى ەل ۇكىمەتى. سوڭعى مالىمەتتەر بويىنشا فرانسيادا 6026115 ادام كوروناۆيرۋس جۇقتىردى، 111725 ناۋقاس قايتىس بولدى. ءبىرقاتار ەلدەردە كوروناۆيرۋس جۇقتىرۋدىڭ تاۋلىكتىك ءوسۋى بويىنشا انتيرەكوردتار انىقتالدى: يراكتا 13515 جاعداي، وڭتۇستىك كورەيادا 1896 دەرەك ەسەپكە الىندى. سونىمەن قاتار سوڭعى تاۋلىكتە توكيودا كوروناۆيرۋسقا شالدىعۋدىڭ 3177 جاعدايى تىركەلدى.