الماتىدا ءبىر تاۋلىكتە 10 مىڭعا جۋىق ادام ۆاكسينا الدى

الماتى. قازاقپارات - الماتى قالاسىندا ءبىر تاۋلىكتە 9449 ادام كوروناۆيرۋسقا قارسى ۆاكسينا سالدىردى، دەپ حابارلايدى قازاقپارات ءتىلشىسى.

باسقارما تاراتقان مالىمەتكە سايكەس، 24-ماۋسىم كۇنى 9449 الماتىلىق ۆاكسينا سالدىردى. بيىلعى جىلدىڭ 1-اقپانى مەن 23-ماۋسىم ارالىعىندا قالادا بارلىعى 407974 ادامعا ەكپە سالىندى.

ۆاكسينا العانداردىڭ جالپى سانىنان 60 جاستان اسقان قارت كىسىلەر - 59590. قالادا 208 پۋنكت جۇمىس ىستەپ تۇر. 1256 ادامنان تۇراتىن 307 ەگۋ بريگاداسى بار. سونىمەن قاتار، 40 كوشپەلى موبيلدى بريگادا ۇيىمداستىرىلدى.

«قازىرگى مەديتسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو- دا ۆاكسيناتسيا پۋنكتى جۇمىس ىستەيدى» - دەپ ناقتىلادى قوعامدىق دەنساۋلىق ساقتاۋ باسقارماسى. «قالا بويىنشا ۆاكسينانىڭ قالدىعى - ءبىرىنشى كومپونەنتتىڭ 55572 دوزاسى جانە ەكىنشى كومپونەنتتىڭ 92346 دوزاسى بار» - دەپ حابارلادى الماتى قالاسى قوعامدىق دەنساۋلىق باسقارماسىنىڭ باسپا ءسوز قىزمەتى.