قازاقستاندىقتار 10- ماۋسىمدا كۇننىڭ تۇتىلۋ قۇبىلىسىن كورە الادى
مامانداردىڭ ەسەبىنشە، بيىل ەكى رەت اي، ەكى رەت كۇن تۇتىلۋى ىقتيمال. 10- ماۋسىمدا اي كۇننىڭ بەتىن كولەگەيلەپ، سونىڭ اسەرىنەن كۇن تۇتىلماق.
تابيعي قۇبىلىستىڭ ەڭ قانىق كورىنىسى سولتۇستىك امەريكادا، سولتۇستىك مۇزدى مۇحيتتا جانە رەسەيدىڭ سولتۇستىك-شىعىس بولىگىندە، چۋكوتكادا بايقالۋى مۇمكىن.
قازاقستان اۋماعىندا تۇتىلۋدىڭ تەك جەكەلەگەن فازالارى عانا كورىنۋى مۇمكىن. ءتىپتى كۇندى ارنايى باقىلاماسا، ونىڭ بەتىندەگى قۇبىلىستى اڭعارماي قالۋعا دا بولادى.
مامانداردىڭ ايتۋىنشا، قازاقستاندىقتار بۇل ءساتتى 10- ماۋسىم كۇنى تۇستەن كەيىن كورۋى مۇمكىن.
بىزدەن بولەك رەسەي، ۋكراينا، بەلارۋس، بالتىق ەلدەرى، مولدوۆا، وزبەكستان، قىرعىزستان جانە تاجىكستان تۇرعىندارى دا وسىنداي ساتكە كۋا بولا الادى.
ال ياكۋتيانىڭ سولتۇستىك- شىعىسىندا اي كۇننىڭ بەتىن 94 پايىزعا دەيىن جابۋى ىقتيمال. جىلدىڭ ەكىنشى كۇن تۇتىلۋ قۇبىلىسى 4- جەلتوقسانعا ءدوپ كەلەدى. ءبىراق ونى تەك انتاركتيدا مەن ونىڭ اينالاسىنان عانا كورۋگە بولادى.
