نۇر-سۇلتاندا 10 مىڭعا جۋىق دارىگەر مەن مۇعالىمدەرگە ۆاكسينا سالىندى

نۇر-سۇلتان. قازاقپارات - ەلوردادا 4650 مەديتسينا قىزمەتكەرى مەن 1799 مۇعالىمگە ۆاكسينا سالىندى.

بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتىپ بەردى، دەپ حابارلايدى قازاقپارات ءتىلشىسى.

حالىقتى كوروناۆيرۋس ينفەكسياسىنا قارسى ۆاكسينالاۋ جالعاسۋدا. بۇگىنگى كۇنى 9988 ادام ۆاكسيناتسيادان ءوتتى، ونىڭ ىشىندە: 4650 مەديتسينا قىزمەتكەرى، 1799 مۇعالىم بار. ەكپە العاننان كەيىن دەنساۋلىقتىڭ ناشارلاۋ جاعدايلارى بولعان جوق»، - دەدى ت. مۇراتوۆ ەلوردا اكىمدىگىندە وتكەن ونلاين بريفينگتە.

العاشقى مەديتسينالىق- سانيتارلىق كومەك كورسەتۋدىڭ 36 ۇيىمىندا ءبىرىنشى جانە ەكىنشى كومپونەنتتەرگە ارنالعان 2 ۆاكسيناتسيا بولمەلەرى، ۆاكسيناتسيادان كەيىن پاتسيەنتتى باقىلاۋعا ارنالعان كۇتۋ بولمەلەرى تۇراقتى جۇمىس ىستەيدى.

«بارلىق ەمحانالاردا توڭازىتقىش قوندىرعىلارى، ۆاكسينالاردى قويمادان ەكپە سالۋ مەكەمەسىنە تاسىمالداۋعا ارنالعان تەرميالىق كونتەينەرلەر بار. ۆاكسينالار بارلىق سانيتاريالىق- ەپيدەميولوگيالىق تالاپتارعا ساي ساقتالادى»، - دەيدى ت. مۇراتوۆ.

بۇعان دەيىن تيمۋر مۇراتوۆ ەلورداداعى ەپيدەميولوگيالىق جاعدايدى شىلدە ايىنداعى اۋىر كەزەڭگە تەڭەگەن ەدى. كوروناۆيرۋس ينفەكسياسى ناۋقاستارىنىڭ ءوسىمى ناۋرىز مەيرامىنان كەيىن بايقالدى. استانالىق دارىگەرلەر مەن بارلىق مەديتسينالىق قىزمەتكەرلەر قايتادان ەكى ەسە جۇكتەمەدە جۇمىس ىستەپ جاتىر. ك ۆ ي- مەن كۇرەسۋ ءۇشىن 11 ستاتسيونار ۇيىمداستىرىلدى، ونىڭ ىشىندە 10 ينفەكسيالىق، ءبىر كارانتيندىك ستاتسيونار («Ramada Plaza» قوناق ءۇيى بازاسىندا) بار. قوسىمشا ءۇش ۇيىمنىڭ بازاسىندا 300 ينفەكسيالىق توسەك-ورىن اشىلۋى مۇمكىن.