قازگيدرومەت: 10-ناۋرىز كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، قازاقستان تەرريتورياسىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى.
رەسپۋبليكانىڭ باسىم بولىگىندە جاۋىن، سولتۇستىك ءوڭىردىڭ ءبىرقاتار بولىگىندە قار جاۋادى. سونداي-اق قازاقستاننىڭ كەي جەرلەرىنە تۇمان ءتۇسىپ، كوكتايعاق، جاياۋ بۇرقاسىن بولادى، جەل كۇشەيەدى. رەسپۋبليكانىڭ وڭتۇستىگىنىڭ كەي جەرلەرىندە نايزاعاي وينايدى.
اقمولا، قوستاناي وبلىستارىنىڭ كەي جەرلەرىندە تۇمان ءتۇسىپ، جاياۋ بۇرقاسىن بولادى، جەلدىڭ جىلدامدىعى سەكۋندىنا 15-20، ەكپىنى 23-28 مەترگە جەتەدى.
جامبىل وبلىسىنىڭ كەي جەرلەرىندە جەل 15-20 م/س جىلدامدىقپەن سوعادى، ەكپىنى 23-28 م/س، تۇمان ءتۇسىپ، تۇندە كوكتايعاق بولادى.
قاراعاندى، سولتۇستىك قازاقستان وبلىستارىنىڭ كەي جەرلەرىنە تۇمان ءتۇسىپ، جاياۋ بۇرقاسىن بولادى، جەلدىڭ جىلدامدىعى سەكۋندىنا 15-20 م/س- گە جەتەدى.
تۇركىستان وبلىسىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن سوعادى، كۇندىز ەكپىنى 25 م/س- كە دەيىن كۇشەيەدى.
شىعىس قازاقستان وبلىسىنىڭ كەي جەرلەرىندە تۇمان ءتۇسىپ، كۇندىز كوكتايعاق بولادى، تاڭەرتەڭ جانە كۇندىز جەلدىڭ ەكپىنى 15-20 م/س بولىپ، جارما اۋدانىندا ەكپىنى 25 م/س- عا دەيىن بارادى.
باتىس قازاقستان، اقتوبە وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەل سەكۋندىنا 15-20 مەترگە دەيىن كۇشەيىپ، جاياۋ بۇرقاسىن بولادى.
تۇندە قىزىلوردا وبلىسىنىڭ كەي جەرلەرىندە كوكتايعاق بولىپ، تاڭەرتەڭ جانە كۇندىز جەل 15-20 م/س جىلدامدىقپەن ەسەدى.
تۇندە جانە تاڭەرتەڭ الماتى وبلىسىنىڭ كەي جەرلەرىندە تۇمان تۇسەدى، جالاڭاشكول اۋدانىندا جەلدىڭ جىلدامدىعى سەكۋندىنا 15-20 م/س- قا جەتەدى.
پاۆلودار وبلىسىندا جەل سەكۋندىنا 15-20 مەتر جىلدامدىقپەن سوعادى، كەي جەرلەردە ەكپىنى 25 م/س بولادى.
كۇندىز ءبىرقاتار ايماقا كوكتايعاق، جاياۋ بۇرقاسىن بولادى. اتىراۋ وبلىسىنىڭ كەي جەرلەرىندە كوكتايعاق بولىپ، جەل 15-20 م/س جىلدامدىقپەن سوعادى.
كۇندىز ماڭعىستاۋ وبلىسىندا كوكتايعاق بولادى.