قازاقپارات كۇنتىزبەسى: 10- اقپان
دۇنيەجۇزىلىك ءداندى-بۇرشاقتى داقىلدار كۇنى
2013-جىلى ب ۇ ۇ باس اسسامبلەياسى ءداندى-بۇرشاقتى داقىلداردىڭ ماڭىزدىلىعىنا نازار اۋدارتۋ جانە ونى دامىتۋ ماقساتتارىنا قول جەتكىزۋ ءۇشىن 2016-جىلدى بۇرشاق داقىلدىلار جىلى دەپ جاريالادى.
ونى ءساتتى وتكىزگەننەن كەيىن بۋركين-فاسو دەلەگاتسياسى دۇنيەجۇزىلىك ءداندى-بۇرشاقتى داقىلدار كۇنىن بەكىتۋ تۋرالى ۇسىنىس ايتتى. بۇل باستاما قولداۋ تاۋىپ، 2018-جىلدىڭ 20- جەلتوقسانىندا باس اسسامبلەيا رەزوليۋتسيا قابىلدادى.
دۇنيەجۇزىلىك ءداندى-بۇرشاقتى داقىلدار كۇنىنىڭ باستى مىندەتى - ءداندى-بۇرشاقتى داقىلداردىڭ قورەكتىك قۇندىلىعىمەن تانىستىرۋ، سونىمەن قاتار تۇراقتى دامۋ ماقساتىنا جەتۋ ءۇشىن ءداندى-بۇرشاقتى داقىلداردىڭ ماڭىزدىلىعىن ءتۇسىندىرۋ.
پۋشكيندى ەسكە الۋ كۇنى
ە. دانتەسپەن دۋەلدەن كەيىن قازا بولعان ۇلى ورىس اقىنىن ەسكە الۋ كۇنى. دانتەسپەن دۋەل سانكت-پەتەربوردىڭ ىرگەسىندەگى قارا وزەندە وتكەن. وسى كۇنى اقىننىڭ جەكە سۋرەتتەرىنىڭ، وتباسىلىق البومىنىڭ، كلاسسيكتى بەينەلەگەن سۋرەتشىلەردىڭ كارتينالارىنىڭ كورمەلەرى وتەدى.
ماسكەۋدەگى ا. س. پۋشكين اتىنداعى مەملەكەتتىك بەينەلەۋ ونەرى مۋزەيى مەن ونىڭ فيليالدارى كەلەم دەۋشىلەردى كورمەگە شاقىرادى. سانكت-پەتەربوردا اقىندى ەسكە الۋ سالتاناتى ول تۇرعان ءۇيدىڭ اۋلاسىنان باستالادى.
ا. س. پۋشكين دانتەسپەن بولعان دۋەل كەزىندە العان جاراقاتىنان 1837-جىلى 10- اقپاندا 37 جاسىندا كوز جۇمدى.
ەستە قالار وقيعالار
1934 -جىلى شاحتەرلەر ورتالىعى - قاراعاندى قالا مارتەبەسىن رەسمي تۇردە الدى.
1993 -جىلى رەسەيدىڭ قورعان وبلىسىندا تۇراتىن قازاقتاردىڭ قۇرىلتايى ءوتتى. قۇرىلتايدىڭ ارنايى شەشىمىمەن «شاڭىراق» اتتى قورعان قازاقتارىنىڭ مادەني ورتالىعى قۇرىلدى.
1995 -جىلى الماتىدا وتكەن ت م د ەلدەرى مەملەكەت باسشىلارىنىڭ كەڭەسى مەن ۇكىمەت باسشىلارى كەڭەسىنىڭ ماجىلىسىندە ۇجىمدىق قاۋىپسىزدىك، ت م د شەكارا جانە بىتىمگەرشىلىك كۇشتەرىن قۇرۋ تۋرالى ماسەلە تالقىلاندى. تاۋەلسىز مەملەكەتتەر دوستاستىعىندا بەيبىتشىلىك پەن تۇراقتىلىققا قولداۋ كورسەتۋ تۋرالى مەموراندۋم قابىلداندى.
2000 -جىلى قازاقستان رەسپۋبليكاسىنىڭ پرەزيدەنتى ن. نازاربايەۆتىڭ جارلىعىمەن قازاقستاننىڭ اسكەري دوكتريناسى بەكىتىلدى.
2000 -جىلى قازاقستان رەسپۋبليكاسىنىڭ ۇكىمەتى «استانا قالاسىن دامىتۋدىڭ باس جوسپارى تۋرالى» قاۋلى قابىلدادى.
2002 -جىلى قازاقستاننىڭ اتوم ونەركاسىبىنىڭ عىلىمي، تەحنيكالىق، تەحنولوگيالىق، ءبىلىم بەرۋ پروبلەمالارى مەن قورشاعان ورتا پروبلەمالارىن شەشۋ ماقساتىندا «قازاتوم ونەركاسىپ» ۇلتتىق اتوم كومپانياسىنىڭ ەنشىلەس كاسىپورنى - جوعارى تەحنولوگيالار ينستيتۋتى قۇرىلدى.
2006 -جىلى الماتىدا مۇقاعالي ماقاتايەۆ اتىنداعى رەسپۋبليكالىق قوعامدىق قور قۇرىلدى. قوردىڭ الدىنا قويعان نەگىزگى ماقساتى - اقىن تۋرالى ەستەلىكتەردى جارىققا شىعارىپ، جاس مۇقاعاليتانۋشىلاردى جۇرتشىلىققا تانىتۋ. سونداي-اق اقىن شىعارمالارىن شەت تىلدەرىنە اۋدارۋ.
2008 -جىلى وسكەمەندە داۋلەت سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ بازاسىندا نانوتەحنولوگيالار مەن ەلەكتروندى ميكروسكوپيالار جونىندەگى جاپون- قازاقستان عىلىمي-زەرتتەۋ وقۋ ورتالىعى قۇرىلدى. حالىقارالىق ورتالىقتىڭ قۇرىلۋى قازاقستاندا ەڭ سەرپىندى جوبالاردى جۇزەگە اسىرۋ ءۇشىن ينجەنەرلىك باعىتتاعى زەرتحانالار جەلىسىن قۇرۋدىڭ پرەزيدەنتتىك باعدارلاماسىن دامىتۋداعى ماڭىزدى قادام بولىپ وتىر. كەن- مەتاللۋرگيا ونەركاسىبى رەسۋرستارىن كەشەندى پايدالانۋ نەگىزىندە جاڭا ماتەريالدار الۋدىڭ جوعارى تەحنولوگيالار باعىتى بويىنشا جۇمىس ىستەيتىن «ىرگەتاس» ينجەنەرلىك زەرتحاناسىندا زاماناۋي جابدىقتاردى قۇراستىرۋ ءۇشىن وڭىرگە جاپوندىق «ynteractive Corporation» كومپانياسىنىڭ وكىلدەرى كەلدى.
2014 -جىلى ق ر پرەزيدەنتى جانىنداعى مەملەكەتتىك باسقارۋ اكادەمياسى «ا» كورپۋسىنىڭ مەملەكەتتىك قىزمەتكەرلەرىن قاشىقتىقتان ونلاين وقىتۋ» يننوۆاتسيالىق جوباسىن ىسكە قوستى.
2015 -جىلى ماڭعىستاۋ وبلىسىنىڭ بەينەۋ اۋدانىندا 1966-جىلى اشىلعان «شاعىرلى-ءشومىشتى» جاڭا كەن ورنى پايدالانۋعا بەرىلدى. كەن ورنىنداعى گازدىڭ جالپى قورى 32,4 ميلليارد تەكشە مەتردى قۇرايدى.
2018 -جىلى وسكەمەندىك سۋرەتشى اناستاسيا ساچەنوك جاپونيانىڭ وساكا قالاسىنداعى مونەتا سارايى وتكىزەتىن حالىقارالىق كونكۋرستا جەڭىسكە جەتتى. كونكۋرس شارتتارى بويىنشا، قازىلار القاسىنا تاريح، تەحنيكالىق وركەندەۋ جانە ەكولوگيا تاقىرىپتارى بەينەلەنگەن مونەتانىڭ ەلەكتروندى ەسكيزى مەن گراۆيرلەنگەن ۇلگىسى ۇسىنىلۋى ءتيىس بولدى. اناستاسيا ساچەنوك جانە ونىڭ ارىپتەستەرى ديدار مەن ەرعالي ۇسىنعان مونەتا ۇزدىك دەپ تانىلدى.
2019 -جىلى قازاقستاننىڭ شاڭعى جارىستارى كومانداسىنىڭ كوشباسشىسى الەكسەي پولتورانين سلوۆەنيانىڭ پلانيتسا قالاسىندا وتكەن ءالپى كۋبوگىندا التىن مەدال جەڭىپ الدى. قازاقستاندىق شاڭعىشى كلاسسيكالىق جۇرىسپەن 15 قاشىقتىقتا جەڭىسكە قول جەتكىزدى. پولتورانين مارەگە 36:3.0 ۋاقىتتا جەتتى.