ۋيليام شەكسپيردىڭ كىتابى ءباسساۋدادا 10 ميلليون دوللارعا ساتىلدى
نۇر- سۇلتان. قازاقپارات - ۋيليام شەكسپيردىڭ شىعارمالار جيناعى ءباسساۋداعا قويىلىپ، 10 ميلليون دوللارعا ساتىلدى، دەپ حابارلايدى «حابار 24».
ول 36 پەسادان تۇرادى. بەلگىلى بولعانداي، اتالعان جيناقتى امەريكالىق كوللەكسيونەر ءارى سيرەك كەزدەسەتىن كىتاپ پەن فوتولار دۇكەنىنىڭ يەسى ساتىپ العان. ايتا كەتەيىك، بۇل اۋكسيوندا ساتىلعان ادەبي شىعارمالاردىڭ ەڭ قىمباتى بولىپ وتىر. بۇعان دەيىنگى رەكورد 6 ميلليون دوللاردى قۇرايتىن. سول كەزدە دە اتالعان اعىلشىن دراماتۋرگىنىڭ جيناعى ساتىلعان بولاتىن.
