ەلىمىزدە 10-قىركۇيەك كۇنى بولاتىن ماڭىزدى شارالار اڭداتپاسى

نۇر- سۇلتان

10.00 دە سەناتتىڭ كەزەكتى وتىرىسى بولادى. كۇن تارتىبىندە پارلامەنت ءماجىلىسى ماقۇلداعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەرەكشە قورعالاتىن تابيعي اۋماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسى قارالادى. وتىرىس پالاتانىڭ www.parlam.kz سايتىندا ونلاين رەجيمدە كورسەتىلەدى.

11.00 دە قازاقستاننىڭ كوممۋنيستيىك حالىق پارتياسى استانا قالالىق كوميتەتىنىڭ كەڭسەسىندە «ارداگەرلەر تۋرالى» زاڭعا جانە ق ر باسقا دا زاڭنامالىق نورمالارىنا تۇزەتۋلەر ەنگىزۋ تۋرالى» تاقىرىبىندا ق ك ح پ مەن «قاھارمان ۇرپاق» قوعامدىق قورىنىڭ بىرلەسكەن باسپا ءسوز كونفەرەنتسياسى وتەدى.

11.30 دا «نۇر- سۇلتان-1» ۆوكزالىندا «جولاۋشىلار تاسىمالى» ا ق باسشىلىعىنىڭ قاتىسۋىمەن «ىنتىماقتاستىقتىڭ قورىتىندىلارى مەن «جولاۋشىلار تاسىمالى» ا ق الداعى ۋاقىتتاعى جوسپارلارى» اتتى تاقىرىپتا بريفينگ وتەدى.

16.00 دە ەلوردالىق دوستىق ۇيىندە وتباسى كۇنىنە وراي «ماما» فوتوكورمەسى اشىلادى.

الماتى

11.00-دە Zoom كونفەرەنتسياسى ارقىلى «2021 -جىلعا ارنالعان «قاتىسۋ بيۋدجەتى» جوباسىن ىسكە اسىرۋ ءتارتىبى مەن جوسپارى تۋرالى الماتى قالاسىنىڭ ستراتەگيا جانە بيۋدجەتتىك دەپارتامەنتىن تىڭداۋ» تاقىرىبىندا قوعامدىق كەڭەستىڭ ونلاين- وتىرىسى ۇيىمداستىرىلادى.

11.00 دە الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا ەلباسى جولداۋى اياسىندا كاسىپكەرلىكتى قولداۋ بويىنشا قابىلدانعان شارالار تۋرالى ونلاين بريفينگ وتەدى. سپيكەر - الماتى قالاسى كاسىپكەرلىك جانە ينۆەستيتسيالار باسقارماسىنىڭ باستىعى ەركەبۇلان ورازالين.

12.30 دا الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا ءبىلىم بەرۋ ۇيىمدارىنداعى وقۋ ۇدەرىسى تۋرالى ونلاين بريفينگ وتەدى. سپيكەر - الماتى قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ.

14.00 دە الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا الماتى قالاسىنىڭ دەنساۋلىق ساقتاۋ جۇيەسىندە سيفرلىق جوبالاردى ىسكە اسىرۋ تۋرالى ونلاين بريفينگ وتەدى. سپيكەرلەر - الماتى قالالىق سيفرلاندىرۋ ءبولىمىنىڭ باستىعى بايان كوڭىربايەۆ جانە «رەسپۋبليكالىق ەلەكتروندىق دەنساۋلىق ساقتاۋ ورتالىعى» ش ج ق رەسپۋبليكالىق مەملەكەتتىك كاسىپورنىنىڭ الماتى قالالىق فيليالىنىڭ ديرەكتورى گۇلنار ىسقاقوۆا.

14.00 دە ق ر مادەنيەت جانە سپورت مينيسترلىگى جانىنداعى يۋنەسكو- نىڭ قامقورلىعىمەن مادەنيەتتەردى جاقىنداستىرۋ ورتالىعى، ءبىلىم جانە عىلىم مينيسترلىگى عىلىم كوميتەتىنىڭ ا. بايتۇرسىنوۆ اتىنداعى ءتىل ءبىلىمى ينستيتۋتىمەن بىرگە، ابايدىڭ 175 جىلدىعىنا ارنالعان «ءسوز ارحەولوگياسى: تىلدەر، جازبا ەسكەرتكىشتەر جانە تاريح» تاقىرىبىندا كونفەرەنتسيا وتەدى. ءىس- شارا دوستىق ۇيىندە «مادەنيەتتەردى جاقىنداستىرۋدىڭ حالىقارالىق ونجىلدىعى» (2013-2022 ج ج.) اياسىندا ۇيىمداستىرىلادى.

16.10 دا الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا الماتى دەنساۋلىق ساقتاۋ جۇيەسىنىڭ 2020 -جىلدىڭ ءبىرىنشى جارتىجىلدىعى بويىنشا جۇمىسىنىڭ قورىتىندىلارى تۋرالى ونلاين بريفينگ وتەدى. سپيكەر - الماتى قالالىق قوعامدىق دەنساۋلىق ساقتاۋ باسقارماسىنىڭ باستىعى قامالجان نادىروۆ.