دۇنيەتانىمدى وزگەرتەتىن 10 كارتا
قازىرگى كۇننىڭ پانگەياسى
پانگەيا - پالەوزوي ءداۋىرىنىڭ سوڭىندا، مەزوزوي ءداۋىرىنىڭ باسىندا بولعان ءبىرتۇتاس قۇرلىق. 335-175 ميلليون جىل بۇرىن جەردە قازىرگى قۇرلىقتار ءبىر- بىرىنە جابىسا ورنالاسىپ، ءبىرتۇتاس قۇرلىقتى قۇراعان. ال سول كەزدەگى پانەيا ءالى كۇنگە دەيىن بولسا قالاي بولار ەدى؟
قار قۇرساۋىنان بوساعان انتاركتيدا
عالىمدار انتاركتيدا ەرىپ، الداعى ءجۇز جىلدا تولىق جويىلۋى مۇمكىن دەگەن بولجام ايتادى. ال وعان دەيىن انتاركتيدا مۇز تولىق ەرىگەندەگى كارتاسىن قاراپ كورىڭىز. بيىكتىگى 2-5 شاقىرىم بولاتىن مۇزدىڭ استىندا قۇرلىق جاتىر. الايدا ونىڭ %60 سۋ استىندا. قۇرلىقتا تاۋ تىزبەكتەرى، جانارتاۋلار مەن ديامەترى 490 شاقىرىم بولاتىن كراتەر بار.
الەمدە ماكدونالدس جوق ەل بار ما؟
دۇنيەجۇزىنىڭ 120 دان استام ەلىندە اشىلعان ماكدونالدس ءالى «اياق باسپاعان» جەرلەر بار ەكەن. نەگىزىنەن ازيا مەن افريكا ەلدەرىنە جەتپەگەن. وعان قوسا يسلانديا مەن گايانادا جوق.
كۇن تۇتىلۋى
Google قىزىق تاجىريبە جۇرگىزىپتى. كارتادان كورىپ تۇرعان قارا داقتار كۇن تۇتىلۋىنا قاتىستى ىزدەۋلەر ەكەن. ەرەكشە قۇبىلىستى كورگەن ايماقتىڭ تۇرعىندارى Google ىزدەۋ جۇيەسىنىڭ كومەگىنە كوبىرەك جۇگىنگەن. وسىلايشا كارتادان كۇن تۇتىلۋىنىڭ ءدال تراەكتورياسىن قايتالانعانىن كورۋگە بولادى.
عالامتور قانشا ادامعا قولجەتىمدى؟
عالامتور 30 جىل بۇرىن عانا پايدا بولعانىنا قاراماستان ءقازىر الەمنىڭ ماڭىزدى بولىگىنە اينالىپ ۇلگەردى. بۇگىنگى ادامدى عالامتورسىز ەلەستەتۋ مۇمكىن ەمەس. الايدا ستاتيستيكاعا جۇگىنسىز ونداي ادامداردىڭ كوپ ەكەنىن اڭعارۋعا بولادى. ورتاشا ەسەپپەن العاندا الەم حالقىنىڭ %46 عالامتورعا كىرمەيدى ەكەن. ارينە، ولاردىڭ باسىم بولىگى افريكا قۇرلىعىندا دەۋىڭىز مۇمكىن. دەگەنمەن قازاقستاندا عالامتوردى حالىقتىڭ %56 عانا قولدانادى ەكەن.
مال باسى كوپ ەلدەر
كوشتىڭ باسىندا ءۇندىستان تۇر. سيىردى ءقادىر تۇتاتىن ءۇندى ەلىندە ءىرى قارا سانى بويىنشا الەمنىڭ الدىندا تۇر. ودان كەيىنگى ورىنداردى برازيليا، قىتاي، اقش پەن ارگەنتينا بولىسكەن.
روبوتى كوپ ەلدەر
ءسوزسىز، روبوتتى كوپ قۇراستىرعانداردىڭ كوشىن جاپونيا باستاعان. ودان كەيىنگى ورىنعا ا ق ش جايعاسسا، ءۇشىنشى ورىندا گەرمانيا تۇر. بۇدان بولەك، وڭتۇستىك كورەيا، قىتاي، كانادا مەن ۇلى بريتانيادا روبوت قۇراستىرۋ قولعا الىنعان.
روزەتكا كارتاسى
روزەتكانىڭ دا كارتاسى بولادى ەكەن. كۇندەلىكتى قولداناتىن روزەتكامىزدىڭ الەمدە نەگىزگى 9 ءتۇرى بار ەكەن. سوندىقتان شەتەلگە ساياحاتتاماستان بۇرىن روزەتكاسى قانداي ەكەنىن ءبىلىپ الىڭىز.
ۇشاقتىڭ ۇشۋ باعىتى
Google-دا ىزدەلىنۋىنە قاراي ۇشاق رەيستەرىنىڭ كارتاسىن سىزۋعا بولادى ەكەن. كوپ ىزدەلىنگەن رەيستەر قاي ايماققا تيەسىلى ەكەنىن كارتادان بىردەن اڭعارۋعا بولادى. ال سوعىس بولىپ جاتقان ەلدەردە نە دامىماعان ەلدەردە ۇشاق رەيستەرىنىڭ از ەكەنىن بايقايسىز.
اتوم ەلەكتر ستانتسياسى قاي ەلدە كوپ؟
كارتاداعى اق داقتار جۇمىس ىستەپ تۇرعان اتوم ەلەكتر ستانتسيالارىن كورسەتەدى. فرانسياداعى 58 اەس ەلدىڭ %70 ەلەكترمەن قامتاماسىز ەتەدى ەكەن.
