زورلىق-زومبىلىق بايقالعان وتباسىنا 10 كۇنگە دەيىن بىرگە تۇرۋعا تىيىم سالىنادى
بۇل تۋرالى ق ر پارلامەنتى ءماجىلىسىنىڭ دەپۋتاتى ايگۇل نۇركينا مالىمدەدى، دەپ حابارلايدى قازاقپارات.
«پارلامەنتتە دەپۋتاتتار كورپۋسى ۇسىنعان وتباسىلىق- تۇرمىستىق زورلىققا قارسى ءىس- قيمىل زاڭ جوباسى تالقىلانىپ جاتىر. تالقىلاۋ بارىسىندا ونىڭ اتاۋى «تۇرمىستىق قارىم- قاتىناستاعى زورلىق- زومبىلىققا قارسى ءىس- قيمىل» دەپ وزگەرتىلدى. تالقىلاۋ جۇمىستارى وتە بەلسەندى ءجۇرىپ جاتىر، وعان وسى سالاداعى ەڭ بەلسەندى قوعامدىق بىرلەستىك وكىلدەرى شاقىرىلعان»، - دەدى ا. نۇركينا ق ر اقپارات جانە قوعامدىق دامۋ مينيسترلىگى وتكىزگەن ونلاين جينالىستا.
ونىڭ ايتۋىنشا، بۇل باستامانى دەپۋتاتتار ۇسىنىپ وتىر.
«دەپۋتاتتار زورلىق-زومبىلىق فاكتىسى بولىپ، ادام ومىرىنە قاۋىپ تونگەن جاعدايدا وتباسىلىق اگرەسسور مەن جابىرلەنۋشىنىڭ 10 كۇنگە دەيىن ءبىر باسپانادا تۇرۋىنا تىيىم سالۋ باستاماسىن قولدادى. سوت قارىم-قاتىناسى ورناعان جاعدايدا، قۇقىق بۇزۋشى پسيحوكوررەكسيالىق باعدارلامادان وتۋگە مىندەتتەلەدى. قاجەت بولعان جاعدايدا وزگە باسپاناسى بار- جوعىنا قاراماستان ورتاق باسپانادان ۋاقىتشا شىعۋعا دا ءماجبۇر بولادى»، - دەدى دەپۋتات. قازىرگى ۋاقىتتا تۇزەتۋلەر مەن وزگەرىستەردىڭ العاشقى بولىگى ۇكىمەتكە جىبەرىلگەن. وسى اپتادا وزگەرىستەردىڭ تاعى ءبىر بولىگى جولدانادى.
