ءومىر سۇرۋگە ارزان 10 قالا

نۇر -سۇلتان. قازاقپارات - Mercer كومپانياسى ءومىر سۇرۋگە ەڭ ارزان قالالاردىڭ ءتىزىمىن جاسادى.

رەيتينگىگە الماتى دا ەندى. رەيتينگىنى ءتۇزۋ بارىسىندا ۇلتتىق ۆاليۋتانىڭ جاعدايى، ءار ءتۇرلى تاۋار مەن تۇرعىن ءۇي باعاسى نەگىزگە الىندى. سونداي-اق، الەمنىڭ ۇلكەن قالالارىندا جۇمىس ىستەيتىن شەتەلدىك قىزمەتكەرلەردىڭ اراسىندا ساۋالناما جۇرگىزىلدى.

كوشتىڭ باسىن تۋنيس استاناسى باستادى. تۋنيس الەمنىڭ ءومىر سۇرۋگە ەڭ ارزان قالاسى اتاندى. ودان كەيىنگى ورىنعا ناميبيانىڭ استاناسى ۆيندحۋك جايعاسقان. ۇشتىكتە كورشى قىرعىزستاننىڭ بىشكەك قالاسى دا بار.

العاشقى وندىققا تاشكەنت، پاكىستاننىڭ كاراچي، گامبيانىڭ بانجۋل، گرۋزيانىڭ تبيلسي، ماكەدونيانىڭ سكوپە جانە زامبيانىڭ لۋساكا قالالارى كىردى.

209 قالانىڭ تىزىمىنە ەنگەن الماتى 189-ورىنعا تۇراقتادى. ال الەمنىڭ ەڭ قىمبات قالالارى تىزىمىنە گونكونگ، اشحاباد، توكيو، سيۋريح پەن سينگاپۋر ەندى.