قازاقستاندىق 10 ج و و العاش رەت الەمنىڭ ۇزدىك ۋنيۆەرسيتەتتەرىنىڭ قاتارىنا ەندى
ق ر ءبىلىم جانە عىلىم مينيسترلىگىنىڭ مالىمەتىنشە، قازاقستاندىق ج و و- لار اتالعان رەيتينگكە 2014 -جىلدان بەرى قاتىسىپ كەلەدى. بيىل ءال-فارابي اتىنداعى قازاق ۇلتتىق ۋنيۆەرسيتەتى جاھاندىق رەيتينگتە 165-ورىنعا كوتەرىلدى.
قاز ۇ ۋ - الەمنىڭ ۇزدىك 200 ۋنيۆەرسيتەتىنىڭ قاتارىنا ەنگەن العاشقى قازاقستاندىق جوعارى وقۋ ورنى. 10 قازاقستاندىق ۋنيۆەرسيتەت 1000 جوعارى وقۋ ورنىنان تۇراتىن الەمنىڭ ۇزدىك ۋنيۆەرسيتەتتەرىنىڭ رەيتينگىنە ەندى.
«ونىڭ ىشىندە 5 ج و و سوڭعى جىلدا پوزيتسياسىن جاقسارتتى. سونىڭ ىشىندە ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى توپ-400 قاتارىنا ەنىپ، الەم بويىنشا 357- ورىنعا يە بولدى. سونداي-اق كيمەپ - بيىلعى رەيتينگكە قازاقستاننان قوسىلعان جاڭا جوعارى وقۋ ورنى.
رەيتينگتە بىرىكتىرىلگەن ساپالى كورسەتكىشتەرگە: تۇلەكتەردىڭ سۇرانىسقا يە بولۋىنا، دايىندىعىنا، باسەكەگە قابىلەتتىلىگى مەن بەدەلىنە، ۇلتتىق جانە الەمدىك تانىمالدىلىعىنا، ۋنيۆەرسيتەتتىڭ عىلىمي مەكتەپتەرى (تەورەتيكالىق جانە قولدانبالى) جانە قىزمەت باعىتتارىنىڭ، جەتەكشى وقىتۋشىلاردىڭ تيىمدىلىگىنە ەرەكشە نازار اۋدارىلادى» دەلىنگەن حابارلامادا.
سوندىقتان قازاقستاندىق جوعارى وقۋ ورىندارىنىڭ الەمدىك اكادەميالىق رەيتينگتەرگە قاتىسۋى - باسەكەگە قابىلەتتىڭ كورسەتكىشى، سونداي-اق ساپانى ارتتىرۋدىڭ ناتيجەسى. رەيتينگتەگى قازاقستاندىق جوعارى وقۋ ورىندار:
1. ءال- فارابي اتىنداعى قاز ۇ ۋ - 165-ورىن،
2. ل. ن. گۋميلەۆا اتىنداعى ە ۇ ۋ - 357-ورىن،
3. م. اۋەزوۆ اتىنداعى و ق م ۋ - 490-ورىن،
4. ق. ساتبايەۆ اتىنداعى قاز ۇ ت ز ۋ - 541-550-ورىن،
5. قاز ۇ ا ۋ- 591-600-ورىن،
6. اباي اتىنداعى قاز ۇ پ ۋ - 601-650-ورىن،
7. ق ب ت ۋ - 751-800-ورىن،
8. كيمەپ - 751-800-ورىن
9. قارم ت ۋ - 801-1000-ورىن،
10. ابىلايحان اتىنداعى قاز ح ب ج ءا ت ۋ - 800-1000 ورىن.
رەيتينگتىڭ ادىستەمەسى مىناداي 6 كورسەتكىشتى ەسكەرە وتىرىپ جۇرگىزىلەدى:
1. جوعارى ءبىلىم بەرۋ جۇيەسىنىڭ عالىمدارى مەن ساراپشىلارىنان ج و و قىزمەتى تۋرالى دەرەكتەردى جيناۋ جولىمەن ەسەپتەلەتىن اكادەميالىق بەدەلى - %40.
2. جۇمىس بەرۋشىلەر اراسىندا جوعارى وقۋ ورنىنىڭ تانىمالدىعى - %10.
3. پروفەسسورلىق- وقىتۋشىلىق قۇرامنىڭ ستۋدەنتتەر سانىنا دەگەن اراقاتىناسى - %20
4. Scopus مالىمەتتەرى نەگىزىندە جۇرگىزىلەتىن عىلىمي ماقالالاردىڭ دايەك ءسوز كەلتىرۋى - %20 5. شەتەل ستۋدەنتتەردىڭ ۇلەسى - %5.
6. شەتەلدىك وقىتۋشىلاردىڭ ۇلەسى - %5. QS Quacquarelli Symonds جاھاندىق عىلىمي- زەرتتەۋ كەڭەس بەرۋ ورتالىعى دايىنداعان QS World University Rankings الەمدىك ۋنيۆەرسيتەت رەيتينگى الەمنىڭ 1000 ۇزدىك ۋنيۆەرسيتەتىن باعالايدى. QS - الەمدەگى ەڭ تانىمال ءارى ءجيى اتالاتىن ۋنيۆەرسيتەتتەر تۋرالى سالىستىرمالى اقپارات كوزى.
