التىن قورى كوپ 10 مەملەكەت

نۇر -سۇلتان . قازاقپارات - التىننىڭ ادامزات تاريحىنداعى ورنى ەرەكشە. ەجەلدەن بايلىقتىڭ نەگىزگى نىشانى بولىپ كەلە جاتقان التىندى بۇگىندە مەملەكەتتەر مەن الپاۋىت قارجى ۇيىمدارى جينايدى.

قورى التىنعا باي ەلدەر كەز كەلگەن داعدارىستان امان وتەتىنىنە سەنىمدى بولادى.

ويتكەنى بۇل مەتالل ەكونوميكالىق توقىراۋلارعا شىدامدى، ءوز باعاسىن ماڭگى ساقتايدى.

نازارىڭىزعا التىن قورى كوپ 10 مەملەكەتتى ۇسىنامىز.

10. ءۇندىستان - 642 توننا بۇل ەل التىندى وتە جاقسى كورەدى، جەرگىلىكتى تۇرعىندارى دا التىننان جاسالعان اشەكەيلەردى ءجيى ساتىپ الادى. اسىرەسە كۇز- قىس ماۋسىمدارىندا ءۇندىستانداعى التىن بازارى قىزا تۇسەدى.

9. جاپونيا - 765 توننا ەكونوميكالىق جاعىنان ۇشتىككە كىرەتىن بۇل ەل التىن قورى جاعىنان دا جەتەكشى مەملەكەتتەردىڭ ءبىرى سانالادى. جاپوندار قاجەت بولعاندا مەملەكەتكە مەنشىگىندەگى التىنداردى وتكىزۋگە دايىن.

8. شۆەيتساريا - 1,040 توننا ەكىنشى دۇنيەجۇزىلىك سوعىستا بەيتاراپ ساياسات ۇستانعان شۆەيتساريا سول ۋاقىتتا التىن ساۋداسىنىڭ ورتالىعىنا اينالعان ەدى. قازىر التىن بازارى ازياعا، نەگىزىنەن گونكونگ پەن ق ح ر- عا اۋىسىپ كەتتى.

7. قىتاي حالىق رەسپۋبليكاسى - 1,948 توننا كەشەگە دەيىن قىتاي التىن قورىن قۇپيا ۇستاپ كەلدى. ءبىراق كەيىنگى جىلدارى ولار مۇنى سىر تۇتپايتىن اشىق ساياسات ۇستانىپ جاتىر. بۇل ەلدە ءبىر قاراعاندا التىن قورى ازداي كورىنۋى مۇمكىن جانە بۇل تابيعي جاعداي. سەبەبى ق ح ر ءوزىنىڭ جالپى بايلىعىنىڭ 2,5 پايىزىن عانا التىن كۇيىندە، قالعانىن قىمبات قاعازدار مەن ءتۇرلى ۆاليۋتالاردا ساقتايدى.

6. رەسەي - 2,288 توننا كەيىنگى جىلدارى رەسەيدىڭ ورتالىق بانكى التىندى كوپتەپ ساتىپ الىپ جاتىر. وعان سەبەپ تە بار. ءجيى سانكتسيالار ناتيجەسىندە رەسەي التىن قورىن كوبەيتۋگە جانە وسى جول ارقىلى ءوز ەكونوميكاسى مەن ۆاليۋتا قۇنىن تۇسىرمەۋگە تىرىسادى.

5. فرانسيا - 2,436 توننا فرانسيا ۇلتتىق بانكى كەيىنگى ۋاقىتتا التىنىن ساتىپ جاتىر. ءبىراق سوندا دا فرانسۋزداردىڭ باعالى مەتالى تاۋسىلار ەمەس. ەجەلدەن وتار ەلدەردى ۇستاعان باقۋاتتى مەملەكەت التىن قورىن بارىنشا كوبەيتىپ العان.

4. يتاليا - 2,452 توننا يتاليالىقتار بايلىعىن التىن كۇيىندە ساقتاعاندى ءجون كورەدى. وسىلاي ولار التىن قورى بويىنشا الەمدەگى وندىققا كىرەتىن مەملەكەتتىڭ بىرىنە اينالىپ وتىر.

3. حالىقارالىق ۆاليۋتا قورى - 2,814 توننا ۇشتىكتەن ورىن العان جالعىز قارجى ۇيىمى. ا ق ش-تا ورنالاسقان بۇۇ- نىڭ قاراماعىنداعى مەكەمە. بۇگىندە حالىقارالىق ۆاليۋتا قورى نارىقتاعى التىندى ساتىپ الىپ، ساتۋمەن اينالىساتىن ەڭ الپاۋىت ۇيىم.

2. گەرمانيا - 3,364 توننا گەرمانيا التىنىنىڭ باسىم بولىگىن فرانتسيا مەن اقش- تا ساقتاپ كەلدى. ءبىراق 2013 -جىلدان باستاپ ولاردى قايتارا باستادى. وسى ۋاقىتقا دەيىن 675 تونناسىن ەلگە قايتارىپ ۇلگەرگەن. التىن باعاسى تۇسسە نەمەسە كوتەرىلسە دە بۇل ەل التىن قورىن كوبەيتىپ جاتقان مەملەكەتتەر قاتارىندا.

1. ا ق ش - 8134 توننا الدىڭعى ەكى مەملەكەت پەن ح ۆ ق- نىڭ التىن قورىن قوسقاندا عانا ا ق ش- تىڭ التىن قورىنا جەتەدى ەكەن. بۇل قىمبات مەتالل كەنتۋككيدەگى فورت-نوكس، فيلادەلفيا قويماسى، دەنۆەر جانە سان- فرانسيسكو دەپوزيتتەرىندە ساقتالادى. ا ق ش التىن قورىن ءوز جەرىنەن (نەگىزىنەن الياسكادان) قازىپ الۋ ارقىلى عانا ەمەس، شەتەلدەردەن ساتىپ الۋ ارقىلى دا كوبەيتكەن.

قازاقستان - 388 توننا قازاقستان التىن قورى بويىنشا الەمدەگى 15 مەملەكەتتىڭ قاتارىنا كىرگەلى 2 جىلعا جۋىقتاپ قالدى. قازىر ەلىمىزدىڭ التىن قورىندا 388 توننا باعالى مەتالل بار ەكەن.