الماتىدا كوروناۆيرۋس ينفەكسياسى تاراعان 10 وشاق انىقتالدى
قالالىق اكىمدىك تاراتقان اقپاراتقا سايكەس، المالى اۋدانىندا - 3, مەدەۋ اۋدانىندا - 3, تۇركسىب اۋدانىندا - 2, جەتىسۋ اۋدانىندا - 1, الاتاۋ اۋدانىندا 1 وشاق انىقتالعان. الماتى قالاسى بويىنشا كوروناۆيرۋس ينفەكسياسىنىڭ تارالۋىن بولدىرماۋ جونىندەگى قالالىق شتابتىڭ وتىرىسىندا COVID-2019-دىڭ وشاعى رەتىندە تىركەلگەن اۋماقتاردا ىشكى كارانتين ەنگىزۋ شەشىمى قابىلداندى. بۇگىندە الماتىدا كوروناۆيرۋس ينفەكسياسىن جۇقتىرۋدىڭ راستالعان 22 جاعدايى تىركەلدى. بارلىق وشاقتا ىندەتتىڭ ودان ءارى تارالۋىنىڭ الدىن الۋ ماقساتىندا ەپيدەمياعا قارسى جانە پروفيلاكتيكالىق ءىس- شارالار كۇشەيتىلدى. مەديتسينا قىزمەتكەرلەرى وشاق ايماعىندا ورنالاسقان بارلىق تۇلعالاردىڭ جاعدايىنا مونيتورينگ جۇرگىزۋدە. COVID-19 ىندەتىنىڭ تىركەلگەن وقيعالارىنا جانە ينفەكسيانىڭ تارالۋ سيپاتىنا قوسىمشا تالداۋ جۇرگىزىلگەننەن كەيىن جانە ەپيدەميولوگتاردىڭ قورىتىندىسىن نەگىزگە الا وتىرىپ، وشاق اۋماعىنىڭ شەكاراسى كوپپاتەرلى ءۇيدىڭ كىرە بەرىسىنە دەيىن جانە تۇرعىن ءۇي اۋماعىنداعى جەكەمەنشىكتەگى ۇيگە دەيىن قىسقارتىلدى. وسىعان وراي ۇيلەر مەن پاتەرلەردى كۆارتال بويىنشا كارانتيندەۋ تۋرالى بۇعان دەيىن قابىلدانعان شەشىم كۇشىن جويادى.
«جالپى ينفەكسيا 1-1,5 مەتر قاشىقتا تۇرعان ناۋقاس ادامنىڭ سويلەۋى، تۇشكىرۋى مەن جوتەلى ارقىلى بەرىلەدى. ىندەتتى ادامدار وتباسىندا، جۇمىستا، قوعامدىق كولىكتە، قوناقتا جانە باسقا دا قوعامدىق ورىنداردا تەك تىعىز بايلانىستا بولۋ ارقىلى جۇقتىرۋى مۇمكىن. COVID-2019 ۆيرۋسىنىڭ قورشاعان ورتادا توزىمدىلىگى تومەن بولعاندىقتان، 1 ساعاتتان ارتىق ءومىر سۇرە المايدى. سول سەبەپتى COVID-2019 جۇقتىرعان ناۋقاسپەن تىعىز بايلانىس ورناتپاعان ۇيلەر مەن پاتەرلەردى كارانتينگە جابۋدىڭ قاجەتى جوق»،- دەدى اكىمدىكتەن.
