كوروناۆيرۋس: يتاليادا ۆيرۋس جۇقتىرعاندار سانى 10 مىڭ ادامنان استى
ريم. قازاقپارات - يتاليانىڭ ازاماتتىق قورعاۋ ۇلتتىق قىزمەتىنىڭ باسشىسى اندجەلو بوررەللي ەلدە كوروناۆيرۋس جۇقتىرعانداردىڭ جالپى سانى 10 مىڭ ادامنان استى دەپ مالىمدەدى.
بۇل تۋرالى قازاقپارات ANSA اگەنتتىگىنە سىلتتەمە جاساپ حابارلايدى.
بوررەللي كوروناۆيرۋستان كوز جۇمعاندار سانى 631 ادامعا جەتكەن. بۇل دۇيسەنبى كۇنگىمەن سالىستىرعاندا 168 ادامعا كوپ.
«8514 ادام قازىرگى ۋاقىتتا COVID-19 ۆيرۋسىن جۇقتىرعان، 1004 ادام ساۋىعىپ شىققان»، دەدى ول.
بوررەلليدىڭ ايتۋىنشا، كوروناۆيرۋس جۇقتىرعان 877 پاتسيەنت جانساقتاۋ بولىمىندە جاتىر. قايتىس بولعانداردىڭ %45 ى - 80-89 جاس ارالىعىنداعى ادامدار، %32 ى - 70 جاس شاماسىنداعى، %14 ى - 90 جاستان اسقان، %8 ى - 60 جاستاعى، %2 ى - 50-59 جاس ارالىعىنداعى ادامدار. ۇكىمەت وتكەن جىلدىڭ سوڭىندا قىتايدىڭ ۋحان قالاسىندا العاش رەت تابىلعان جاڭا ۆيرۋستىڭ تارالۋىن توقتاتۋ ءۇشىن قاتاڭ شارالار قابىلدادى.
يتاليا تۇرعىندارىنا قاجەتسىز ساپارلاردان باس تارتۋعا جانە شۇعىل قاجەتتىلىك بولماسا، مۇمكىندىگىنشە ۇيلەرىنەن شىقپاۋعا كەڭەس بەرىلەدى.
سونداي-اق، بوررەلي وپپوزيتسيالىق ليگانىڭ كوشباسشىسى ماتتەو سالۆينيدىڭ «بارلىعىن جابۋ» تۋرالى ۇندەۋىنەن كەيىن شارالاردى قاتايتۋ مۇمكىندىگىن جوققا شىعارمادى.
«مەنىڭ ويىمشا، بۇل ماسەلە تولىعىمەن قاراستىرىلىپ، زەرتتەلۋى كەرەك»، - دەدى بوررەللي باسپا ءسوز ءماسليحاتىندا.
ەسكە سالا كەتەيىك، يتاليادا كوروناۆيرۋستان كوز جۇمعان العاشقى جاعداي 21 - اقپاندا تىركەلگەن بولاتىن.
