10:03, 06 - اقپان 2020 | GMT +5
جاپونيادا كرۋيز لاينەرىنىڭ بورتىندا تاعى 10 ادام كوروناۆيرۋس جۇقتىرعانى انىقتالدى
توكيو. قازاقپارات - يوكوگاما پورتىندا كارانتيندە تۇرعان كرۋيز كەمەسىندە تاعى 10 ادامنىڭ سىناماسى وڭ ناتيجە كورسەتتى.
ولار قىتايدىڭ ۋحان قالاسىندا شىققان كوروناۆيرۋستىڭ جاڭا ءتۇرىن جۇقتىرعان. بۇل تۋرالى Kyodo اگەنتتىگى بەيسەنبى كۇنى ەلدىڭ دەنساۋلىق ساقتاۋ مينيسترلىگىنە سىلتەمە جاساپ حابارلايدى.
سوڭعى دەرەكتەر بويىنشا كەمەدە جالپى 20 ادام ۆيرۋس جۇقتىرعان.
ەسكە سالا كەتسەك، 2666 جولاۋشىسى جانە 1045 ەكيپاج مۇشەسى بار «Diamond Princess» كرۋيز كەمەسى گونكونگتان شىققان 80 جاسار جولاۋشىدان كوروناۆيرۋس تابىلعاننان كەيىن كاناگاۆا پرەفەكتۋراسىنىڭ استاناسىندا ايلاقتا كارانتيندە تۇر.
