اقتاۋدا ۇلتتىق ۇلان جاۋىنگەرلەرى جوعالعان 10 جاسار قىزدى تاپتى

«باتىس» وڭىرلىك قولباسشىلىعىنىڭ باسپا ءسوز قىزمەتىنەن تۇسكەن مالىمەتكە قاراعاندا، وقيعا 2 - مامىر كۇنى ساعات 21.00 شاماسىندا 3-شاعىناۋداندا بولدى.

ەر ادام قىزىن ءوز بەتىمەن ىزدەپ- تابۋعا ارەكەتتەنگەن. ءبىراق كۇن باتىپ بارا جاتقان سوڭ، جاۋىنگەرلىك توپتار بويىنشا كەزەكشى، اعا لەيتەنانت رينات ادىكوۆكە حابارلاسقان.

قىز بالانىڭ جوعالعانى جونىندە باعىت- باعدار سول بويدا جەدەل باسقارۋ ورتالىعىنا بەرىلگەن. ونى ىزدەۋگە جەكە قۇرام تۇگەلدەي جۇمىلدىرىلعان. 40 مينۋتتان كەيىن ر. ادىكوۆ پەن قاتارداعى جاۋىنگەر اباي سانايەۆ قىزدى №48 ءۇيدىڭ جانىنان تاپتى.

تاياۋ ماڭداعى پوليتسيا پۋنكتىنە جەتكىزىلگەن قىز اتا- اناسىمەن امان- ەسەن قاۋىشتى.

6656-اسكەري ءبولىم كومانديرى قىراعىلىق كورسەتىپ، ءوز مىندەتتەرىن ادال ورىنداعان جاۋىنگەرلەردى ىنتالاندىردى.

اۆتور: ەلجان ەرالى