شىعىس قازاقستاندا 10 جىل بويى توقتاپ تۇرعان تيتان شىعاراتىن كاسىپورىن ىسكە قوسىلدى

None
None
وسكەمەن. قازاقپارات - بۇرىنعى «ەرتىس حيميا- مەتاللۋرگيا زاۋىتىنىڭ» اۋماعىندا ورنالاسقان «ديناترون- قازاقستان» كاسىپورنىندا سالماعى 150 كەلىدەن اساتىن تازا تيتاننىڭ ءبىرىنشى قۇيماسى بالقىتىلىپ، ەكىنشىسى بالقىتۋعا سالىندى، دەپ حابارلايدى قازاقپارات ق ر ي ي د م باسپا ءسوز قىزمەتىنە سىلتەمە جاساپ.

كاسىپورىندى ىسكە قوسۋ شىعىس قازاقستان وبلىسى، شەمونايحا اۋدانى جانە پەرۆومايكا اۋىلى ءۇشىن ماڭىزدى وقيعا. سەبەبى، 10 جىل بويى توقتاپ تۇرعان بىرەگەي كاسىپورىن قايتا ىسكە قوسىلدى. تابىستى قىزمەت جاڭا جۇمىس ورىندارىن قۇرۋ ارقىلى ءوڭىردىڭ الەۋمەتتىك- ەكونوميكالىق جاعدايىن جاقسارتۋعا ۇلەس قوسادى.

 كاسىپورىن ديرەكتورى ۆيكتور پوپوۆ الداعى ەكى- ءۇش جىلدا شەشىلۋى ءتيىس مىندەتتەردى اتاپ ءوتتى. ونىڭ ايتۋىنشا، شىعارىلاتىن ونىمگە ۇلكەن سۇرانىس بار. جاپونيادان تاپسىرىستار ءتۇسىپ جاتىر. 2019 -جىلدان 2021 -جىلعا دەيىن 25 ميلليون دوللاردىڭ ءونىمىن شىعارۋ جوسپارلانۋدا (500 توننا جوعارى ساپالى تيتان جانە 120 توننا نيوبيي).

تيتان قۇيمالارىن شىعارۋدان باسقا تاعى ءۇش سەح سالۋ جوسپارلانۋدا. ولار: سوعۋ، تاباق پروكاتتارىن جانە قۇبىر پروكاتتارىن شىعاراتىن سەحتار. كاسىپورىننىڭ 10 جىلعا ارنالعان دامۋ باعدارلاماسى جاسالدى. 2024 -جىلعا دەيىن سوعۋ، تاباق پروكاتتارى جانە قۇبىر پروكاتتارى وندىرىسىنە ارنالعان جابدىقتاردى سالۋعا جانە جەتكىزۋگە تارتىلعان ينۆەستيتسيا كولەمى 100 ميلليون ا ق ش دوللارىن قۇرايدى.

سونداي- اق، رادارلىق جانە عارىشتىق تەحنيكا ءۇشىن تانتال جانە نيوبيي ميكروكوندەنساتورلار ءوندىرىسىن جولعا قويۋ جوسپارلانۋدا.

ەسكە سالا كەتسەك، بۇعان دەيىن ش ق و- نىڭ تيتانى جاپونياعا دايىن ءونىم رەتىندە ساتىلاتىندىعى جونىندە حابارلاعان بولاتىنبىز.

سوڭعى جاڭالىقتار