وزگەرلەرگە كىرۋگە تىيىم سالىنعان قۇپياعا تولى الەمدەگى 10 مەكەن

ولار قانشا قىزىعۋشىلىق تانىتقانىمەن، تەك سۋرتتەن عانا تاماشالاۋعا ءماجبۇر. ولاي بولسا ساياحاتتشىلاردىڭ ارمانىنا اينالعان قۇپياعا تولى 10 مەكەندى bigpicture.ru سايتىنا سىلتەمە جاساعان NUR. KZ ۇسىنادى.

ا ق ش، بوگەم توعايى

تەرريتورياسى 11 شارشى شاقىرىمدى الىپ جاتقان جەر بوگەم كلۋبى دەگەن اتپەن تانىمال سان-فرانتسيسكولىق جەكە ەرلەر كلۋبىنا تيەسىلى. 1899-جىلدان بەرى ءار جىل سايىن شىلدە ايىندا بۇل جەرگە ەكى اپتالىق جازعى مارافوندى وتكىزۋ ءۇشىن الەمەنىڭ ەڭ بەدەلدى ادامدارى جينالادى.

دەگەنمەن 100 جىلدان بەرى بۇل كلۋبتىڭ قىزمەتى قۇپيا تۇردە ساقتالىپ كەلەدى. بۇل ءوز كەزەگىندە ادامدار اراسىندا ءتۇرلى قاۋەسەتتەر مەن بولجامداردىڭ پايدا بولۋىنا اكەلگەن. ءبىرى بوگەم كلۋبىن - جاڭا الەمدىك بيلىك دەسە، ەندى ءبىرى بۇل توعايدى جىن-شايتاننىڭ ورنى دەپ سانايدى.

دەسە دە، بۇل جەرگە جۋرناليستەرگە كىرۋگە تىيىم سالىنعان.

HAARP، ا ق ش

1997-جىلى الياسكادا ىسكە قوسىلعان بۇل كەشەن يونوسفەرا تابيعاتى جانە اۋە شابۋىلى مەن زىمىرانعا قارسى قورعانىس جۇيەسىنىڭ دامۋىن زەرتتەۋگە ارنالعان. ول 13 گەكتار اۋماقتى الىپ جاتىر.

تەوريانى جاقتاۋشىلار، بۇل نىسان اۋا رايىن وزگەرتۋگە، سپۋتنيكتى وشىرۋگە اسەر ەتە الاتىنىن سونداي-اق، ادامنىڭ اقىل-ويىن باقىلاي الاتىنىن ايتادى.

ولار سونىمەن قاتار، نىسان جەر سىلكىنىسىن، قۇرعاقشىلىقتى، داۋىلدى، سۋ تاسقىنىن ءتىپتى ەپيدەميا تۋدىرا الاتىنا سەنىمدى.

رەسەي، مەجگورە

رەسەيدەگى جابىق قالالاردىڭ ءبىرى باشقۇرستان رەسپۋبليكاسىندا ورنالاسقان. مەملەكەتتەگى وزگە جابىق قالالارمەن سالىستىرعاندا بۇل جەردە عىلىمي-زەرتتەۋ ينستيتۋتى، اسكەري نىساندار، يادرولىق قارۋ نەمەسە اتوم ءوندىرىسى جوق. دەگەنمەن مەجگورەدە شىن مانىسىندە نە بولىپ جاتقانى بەلگىسىز.

ماكەدونيا، افون

افون 20 پراۆوسلاۆيە شىركەۋ ورنالاسقان ۇلى تاۋ. وكىنشكە وراي بۇل جەرگە كەز كەلگەن ادام كىرە المايدى. ماسەلەن ايەلدەرگە كىرۋگە مۇلدە تىيىم سالىنعان.

وسىعان قاتىستى 186 باپتا: «ەجەلگى داستۇرگە سايكەس «قاسيەتتى تاۋ» تۇبەگىنە كەز كەلگەن ايەل اتاۋلىسىنا اياق باسۋىنا قاتاڭ تىيىم سالىنعان» دەگەن. افونعا ءتىپتى ۇرعاشى جانۋارلارعا دا كىرۋگە رۇقسات جوق. تەك تاۋىقتارعا عانا مۇمكىندىك بار. ال بۇل زاڭدى بۇزعان ادام 8 دەن 12 ايعا دەيىن تۇرمە جازاسىنا كەسىلۋى مۇمكىن.

ا ق ش، كوكا-كولا رەتسەپتى ساقتالىپ تۇرعان جەرتولە

باسىلىمىنىڭ مالىمەتىنشە، ايگىلى كوكا-كولا سۋسىنىڭ قۇپياسىن تەك ەكى ادام عانا بىلەدى ەكەن. ال رەتسەپت كومپانيانىڭ جوعارى تەحنولوگيالىق كىلتتەرىمەن بەكىتىلگەن شتاب-پاتەرىندە ساقتاۋلى تۇر. ال ول جەرگە جاي ادامارعا ءتىپتى، اتتاپ باسۋعا بولمايدى.

مەدوگ، قىتاي

بۇل بۋدديستەرگە ارنالعان قاسيەتتى جەر. ول جاققا جول جوق. ال بارعىسى كەلگەن ادام تاۋلى اسۋلاردى جاياۋ ءوتۋى ءتيىس. سونىمەن قاتار جولدا شىڭراۋ ۇستىندەگى 200 مەترلىك سىنعىش كوپەردەن وتۋگە تۋرا كەلەدى.

ويمياكون، رەسەي

ويمياكون الەمدە جەر بەتىندەگى ەڭ سۋىق جەرلەردىڭ ءبىرى رەتىندە تانىمال. قاڭتار ايىندا بۇل جەردە اپتا بويىنا اۋا تەمپەراتۋراسى 50 گرادۋستان تومەندەۋى مۇمكىن.

جاۆاري اڭعارى، برازيليا

80 مىڭ شاقىرىمدى الىپ جاتقان اۋماقتا سىرتقى الەممەن بايلانىسى جوق 14 تايپا ءومىر سۇرۋدە. ولاردىڭ حالقىن كورۋ ءتىپتى مۇمكىن ەمەس، سەبەبى ەل بيلىگىنىڭ ءوزى تايپالاردىڭ وقشاۋ بولعانىن قولداپ وتىر. سونداي-اق، ارنايى كۇشتەر ولاردىڭ شەكاراسىنا وزگەرلەردىڭ باسا كوكتەپ كىرۋىنەن قورعايدى.

مەككە جانە ءمادينا

بۇل قاسيەتتى قالالارعا تەك، اللاعا سەنەتىن مۇسىلماندار عانا كىرىپ، شاھاردىڭ عاجايىپ سۇلۋلىعىمەن جانە تاڭعالارلىق مەشىتتەرمەن تامسانا الادى. ال مۇسىلمان ەمەستەرگە بۇل جاققا اياق باسۋعا قاتاڭ تىيىم سالىنعان. قاسيەتتى جەردى قورلاعاندار شاريعات زاڭى بويىنشا ولىممەن جازالانادى.

كەيمادا-گراندي (جىلاندار ارالى)، برازيليا

بۇل ارال جەر بەتىندەگى ەڭ قاۋىپتى جىلانداردىڭ شوعىرلانۋىمەن الەمگە تانىلعان. سوندىقتان ەل بيلىگى جىلانداردى قوسپاعاندا، فلورا مەن فاۋنانى ساقتاۋ ءۇشىن دە بۇل ارالاعا كىرۋگە تىيىم سالعان.