قايىق اۋدارىلىپ، 10 ادام سۋعا كەتتى
استانا. قازاقپارات - ءۇندىستاندا سارسەنبى كۇنى كەشقۇرىم ماحاندي وزەنىندە ادامدار شەكتەن تىس كوپ مىنگەن قايىق اۋدارىلىپ، سەگىز بالانى قوسقاندا 10 ادام سۋعا باتىپ كەتتى، دەپ حابارلايدى Hindu باسىلىمى.
گازەتتىڭ دەرەكتەرىنە قاراعاندا، 20 ادامعا ەسەپتەلگەن قايىق بورتىندا جۇرتقا تانىمال حۋكيتولا ارالىنان سەرۋەننەن قايتىپ كەلە جاتقان 55 ادام وتىرعان.
ءۇش ايەل قايىققا ءبىر جاعىنان مىنۋگە ارەكەت جاساعان كەزدە ول اۋدارىلىپ كەتكەن.
سۋعا باتىپ بارا جاتقانداردىڭ جانۇشىرعان ايقايىن ەستىگەن جەرگىلىكتى تۇرعىندار كومەككە ۇمتىلعان. ولار ادامداردىڭ جاعاعا شىعۋىنا، ارتىنان قازا تاپقان توعىز ادامنىڭ دەنەسىن سۋدان شىعارۋعا كومەكتەستى.