20:06, 22 - قاراشا 2018 | GMT +5
ەدەن جۋۋشى ديپلومىنداعى ساندى وزگەرتكەنى ءۇشىن 10 جىلعا سوتتالدى
استانا. قازاقپارات - گرەكيانىڭ لاريسا قالاسىنىڭ سوتى مەكتەپتە ەدەن جۋۋشى بولىپ جۇمىس ىستەيتىن كەلىنشەكتى ديپلومىنداعى ساندى دۇرىستاعانى ءۇشىن 10 جىلعا باس بوستاندىعىنان ايىردى.
كەلىنشەك ءبىلىم العانى جونىندەگى كۋالىگىندە بەس سىنىپتىڭ ورنىنا التى سىنىپتى اياقتادىم دەپ كورسەتكەن. 1996 -جىلى كەلىنشەك مەكتەپتەگى ەدەن جۋۋشىنىڭ لاۋازىمىنا ورنالاسۋ ءۇشىن كونكۋرسقا قاتىسقان. كونكۋرسقا ءوتۋ ءۇشىن ول اتتەستاتىنا تاعى ءبىر كلاسس قوسقان. سوت ۇكىمىن ەستىگەن جەرگىلىكتى كاسىپوداقتار مەن ايەلدەر اسسوتسياتسياسى 53 جاستاعى ەدەن جۋۋشىعا بۇنىڭ تىم قاتال جازا ەكەنىن ايتۋدا.
دەرەككوز: life.ru