ەۋروپادا ەڭ قاتتى لاستانعان 10 قالا

 استانا. قازاقپارات - Numbeo اتالاتىن تاۋەلسىز ستاتيستيكالىق سايت ەۋروپادا ەڭ قاتتى لاستانعان قالالاردىڭ رەيتينگىن جاريالادى.

ەكولوگتار قالالارداعى ءتۇرلى فاكتورلار (اۋانىڭ لاستانۋى، ءوندىرىس ورىندارى، تۇرمىستىق قالدىقتار، ت. ب. ) نەگىزىندە ءتۇزىپ شىققان.

Pollution Index 2018 Mid-Year رەيتينگىندە ەڭ قاتتى لاستانعان قالالار ءتىزىمىن ماكەدونيانىڭ تەتوۆو قالاسى باستاپ تۇر. لاس تانۋ يندەكسى بويىنشا 97,57 بالل بەرىلگەن.



ەكىنشى ورىنعا يتاليانىڭ نەاپول قالاسى ورنالاسقان. بۇل قالانىڭ لاستانۋ يندەكسىن ەكولوگتار 84,61 باللمەن باعالاعان. ودان كەيىنگى ورىنعا ماكەدونيانىڭ استاناسى سكوپە ورنالاسقان. ەۋروپادا ەڭ قاتتى لاستانعان 10 قالانىڭ تىزىمىنە تيرانا (البانيا)، تۋرين (يتاليا)، بۋحارەست (رۋمىنيا)، سارايەۆو (بوسنيا جانە گەرسەگوۆينا)، كراكوۆ (پولشا)، پلوۆديۆ (بولگاريا) جانە كيەۆ (ۋكراينا) قالالارى ەنگەن. ال فينليانديا ەلىنىڭ استاناسى حەلسينكي ەۋروپاداعى ەڭ تازا قالا سانالىپ وتىر.