استانادا «شابىت» فەستيۆالىنە 10 ەلدىڭ ۇمىتكەرلەرى قاتىسادى
بيىلعى بايقاۋعا 10 مەملەكەتتىڭ وكىلى قاتىسادى، دەپ حابارلايدى قازاقپارات ەلوردا ينفوعا سىلتەمە جاساپ.
قالالىق مادەنيەت جانە سپورت باسقارماسىنىڭ مالىمەتىنە سايكەس، بيىلعى بايقاۋعا قاتىسۋعا 345 ءوتىنىم تۇسكەن. ونىڭ 27 ءسى - شەتەلدىكتەردەن، ال 155 ءى ەلىمىزدىڭ ءتۇرلى وڭىرلەرىندەگى ۇمىتكەرلەر.
«بايقاۋعا ون مەملەكەتتىڭ رەسەي، وزبەكستان، ۋكراينا، يزرايل، ازەربايجان، گرۋزيا، بەلارۋس، باشقۇرتستان، قىرعىزستان جانە قازاقستاننىڭ وكىلدەرى باق سىنايدى»، - دەلىنگەن حابارلامادا.
ايتا كەتەيىك، «شابىت» شىعارماشىل جاستار فەستيۆالى بيىل 21- رەت وتكىزىلەدى.
بيىلعى بايقاۋ «كلاسسيكالىق مۋزىكا»، «جۋرناليستيكا»، «حورەوگرافيا»، «حالىق مۋزىكاسى»، «ەسترادالىق ۆوكال» بەس اتالىم بويىنشا وتەدى.
ۇمىتكەرلەر ءار نوميناتسيا بويىنشا باس جۇلدە مەن 1، 2 جانە 3-ورىندى ساراپقا سالاتىن بولادى. سونداي-اق كورنەكتى مادەنيەت جانە ونەر قايراتكەرلەرىنىڭ قۇرمەتىنە تاعايىندالعان اتاۋلى سىيلىقتار مەن ديپلومدار بار.
ەڭ ۇزدىك ونەرپاز حالىقارالىق فەستيۆالدىڭ باس جۇلدەسى - ق ر پرەزيدەنتىنىڭ كۋبوگىن يەلەنەدى.
ءار نوميناتسيا بويىنشا گران-پري يەگەرلەرىنە - 350 مىڭ تەڭگە، ءبىرىنشى ورىن العاندارعا - 300 مىڭ تەڭگە، ەكىنشى ورىن ءۇشىن - 250 مىڭ تەڭگە جانە ءۇشىنشى ورىنعا - 200 مىڭ تەڭگە بەرىلەدى. بۇدان باسقا، ءاربىر سەكسيا بويىنشا ۇيىمداستىرۋشى - ەلوردالىق مادەنيەت جانە سپورت باسقارماسى ارنايى سىيلىقتار مەن قۇنى 80 مىڭ تەڭگەلىك اتاۋلى ديپلومدار ازىرلەدى.
ەسكە سالا كەتەيىك، «شابىت» باعدارلاماسىنا «جۋرناليستيكا» اتالىمى استانانىڭ 20 جىلدىعىن مەرەكەلەۋگە وراي التى جىلدان سوڭ قايتا ەنگىزىلگەندىگى تۋرالى جازعان بولاتىنبىز. ايتا كەتەرلىگى بۇل اتالىمدا اتاۋلى سىيلىق قازاق جازۋشىسى، جۋرناليست شەرحان مۇرتازانى ەسكە الۋعا ارنالادى.