گەرمانيادا ەسكى ديزەلدى كولىك يەلەرىنە 10 مىڭ ەۋروعا دەيىن سىياقى تولەنەدى

None
None
استانا. قازاقپارات - گەرمانيادا ەسكى ديزەلدى كولىك يەلەرىنە تەمىر تۇلپارىن جاڭاسىنا اۋىستىرسا، 10 مىڭ ەۋروعا دەيىن سىياقى تولەنەتىن بولدى، دەپ حابارلايدى «حابار 24».

 بۇل باعدارلاما اۋاسى لاستانعان 14 قالادا جۇزەگە اسادى. تاقاۋدا بەرليندە ۇكىمەتتىك كواليتسياعا كىرەتىن بارلىق پارتيالاردىڭ جەتەكشىلەرى كەلىسسوز وتكىزگەن ەدى. وندا ساياساتكەرلەر ديزەلدى قوزعالتقىشتارعا قاتىستى ماسەلە كوتەردى.

ءسويتىپ، ەسكى ديزەل كولىكتەرىن اۆتوكونسەرندەردىڭ ەسەبىنەن قايتا جابدىقتاۋ تۋرالى شەشىمگە كەلگەن. الايدا اقپارات قۇرالدارىنىڭ حابارلاۋىنشا، BMW مەن Opel بۇل شەشىمدى قولداعان جوق، Daimler ويلانادى، ال Volkswagen ورتاق شەشىمگە كەلۋدى ۇسىنعان.

 جالپى مۇنداعى شتۋتگارت، احەن، گامبۋرگ قالالارىندا ەسكى ديزەل كولىكتەرمەن جۇرۋگە تيىم سالىنعان. جاقىن ارادا ولاردىڭ قاتارىنا ماينداعى فرانكفۋرت تا قوسىلماق.

سۆەنيا شۋلتسە، گەرمانيا قورشاعان ورتانى قورعاۋ ءمينيسترى:

 - كولىكتەردىڭ قايتا جابدىقتالۋىن اۆتوكولىك شىعارۋشى كومپانيالار تولەۋى ءتيىس دەپ سانايمىز. ءبىز بۇل ماقساتتا مەملەكەت نەمەسە كولىك يەلەرىنىڭ قاراجاتىن جۇمساۋعا ءۇزىلدى- كەسىلدى قارسىمىز. قورشاعان ورتانى قورعاۋ ءمينيسترى رەتىندە ديزەل قوزعالتقىشتارىنىڭ نارىقتان جوعالىپ كەتۋىن قالامايمىن. مەنىڭ ويىمشا، اۆتوكونتسەرندەر ديزەل كولىكتەرىنىڭ بۇرىنعى بەدەلىن قالپىنا كەلتىرۋگە مۇددەلى.

www.24.kz

سوڭعى جاڭالىقتار