ت م د: استانا مەن الماتى ساياحاتقا قولايلى توپ-10 قالانىڭ قاتارىنا ەندى

استانا. قازاقپارات - تۋرستات اناليتيكالىق اگەنتتىگى رەسەيلىك تۋريستەر ءۇشىن كۇزدە ساياحاتتاۋعا قولايلى تاۋەلسىز مەملەكەتتەر ىنتىماقتاستىعىنىڭ ەڭ تانىمال قالالارىن اتادى، دەپ حابارلايدى قازاقپارات اگەنتتىككە سىلتەمە جاساپ.

استانا كۇزگى ساياحاتقا ىڭعايلى ت م د قالالارىنىڭ العاشقى ۇشتىگىنە ەندى.

مينسك، استانا، باكۋ، ەريەۆان، تاشكەنت، الماتى، بىشكەك، كيشينيەۆ، دۋشانبە جانە اشحاباد قالالارى رەسەيلىك تۋريستەر اراسىندا تانىمال ت م د قالالارىنىڭ العاشقى وندىعىنان تابىلدى.

تۋرستاتتىڭ مالىمەتتەرىنە سايكەس، تۋريستەر قازاقستان استاناسىنا ورتاشا ەسەپپەن 2,5 كۇنگە ساياحاتتاپ، تاۋلىگىنە $80 جۇمسايدى ەكەن.

رەيتينگ 2018-جىلعى كۇز مەزگىلىندەگى تانىمال تۋريستىك ساپارلاردى تالداۋ ناتيجەلەرىنە سايكەس جاسالدى.

كۇزگى ساياحاتقا قولايلى ت م د- نىڭ 10 قالاسى:

1. مينسك (بەلارۋس)

2. استانا (قازاقستان)

3. باكۋ (ازەربايجان)

4. ەريەۆان (ارمەنيا)

5. تاشكەنت (وزبەكستان)

6. الماتى (قازاقستان)

7. بىشكەك (كىرعىزستان)

8. كيشينيەۆ (مولدوۆا)

9. دۋشانبە (تاجىكستان)

10. اشحاباد (تۇرىكمەنستان)