تايلاندتاعى قۇتقارۋشىلارعا ارناپ 10 مىڭ ادامدىق سالتاناتتى كەش ۇيىمداستىرىلدى
سالتاناتتى كەشكە قۇتقارۋشىلار توبىنان باسقا، 3 اپتالىق وپەراتسياعا ءوز ۇلەستەرىن قوسقان بارلىق ادام شاقىرىلعان. ولاردىڭ اراسىندا تايلاندتىق جانە شەت ەلدىك سۇڭگۋىرشىلەر، اسكەريلەر، پوليتسيا قىزمەتكەرلەرى، دايۆەرلەر مەن تاعى باسقالار بولعان. كەش بانكوكتىڭ تاريحي جەرى - پاتشا الاڭىندا بولىپ ءوتتى. بۇل جەردە ۇلكەن داستارحان جايىلىپ، كەلگەن قوناقتارعا كورولدىك اسحانانىڭ تاعامدارى تارتۋ ەتىلگەن. قۇتقارىلعان بالالار مەن ولاردىڭ باپكەرى قۇتقارۋشىلارعا العىسىن ءبىلدىردى.
كەش سوڭىندا قوناقتار تايلاند حالقىن بىرلىككە شاقىراتىن «بىرلىك ءانىن» شىرقادى. ەستەرىڭىزگە سالا كەتەيىك، ماۋسىم ايىنىڭ سوڭىندا بالالار فۋتبول كومانداسى باپكەرىمەن بىرگە مەملەكەتتىڭ شىعىسىنداعى ك ح ا و- لۋانگ ۇڭگىرىندە جوعالىپ كەتكەنى تۋرالى جازعان ەدىك. ىزدەستىرۋ بارىسىندا بەلگىلى بولعانداي ساياحاتشىلار كۇشتى جاڭبىر جاۋىپ سونىڭ سالدارىنان شىعار ەسىكتەر سۋ استىندا قالعانى سەبەپتى ۇڭگىردەن شىعا الماعانى بەلگىلى بولعان. قۇتقارۋشىلار بالالار ءتىرى ەكەنىن انىقتاعانمەن ولار تەك 4 ايدان سوڭ، سۋ تارتىلعاسىن بارىپ ۇڭگىردەن شىعا الادى دەگەن ەدى. ءۇش اپتاعا سوزىلعان قۇتقارۋ ىستەرى كەزىندە بالالار امان- ەسەن ۇڭگىردەن شىعارىلدى.
Massaget.kz
