سەمەيدە 10 جىلعا جۋىق جارىق پەن سۋسىز وتىرعان تۇرعىندار بار
تۇرعىندارمەن جۇزدەسۋگە ارنايى بارعان قالا اكىمى ەرماك ءسالىموۆ اتالعان ماسەلەنى تاياۋدا شەشىپ بەرۋگە ۋادە ەتتى، دەپ حابارلايدى قازاقپارات.
بۇگىندە ۇشاقتار كەنتىندەگى 150 دەن اسا وتباسى اۋىز سۋ مەن جارىققا ءزارۋ. تۇرعىندار جارىقتى جاقىن ماڭداعى تۇرعىن ءۇي يەلەرىنەن سۇراپ، تارتىپ الىپ وتىر. بۇل زاڭسىز. ونىڭ وزىندە توك كۇشىن كوتەرمەگەندىكتەن جارىق ءوشىپ قالادى ەكەن. ال تارتىلىپ تۇرعان جەلىلەر جەرگە جاقىن. سوندىقتان مۇنداعى تۇرعىنداردىڭ ارمانى مەملەكەتتىڭ ەلەكتر قۋاتى جەلىسىنە قوسىلۋ. ال اۋىز سۋدى تۇرعىندار تاسىپ ىشۋگە ءماجبۇر.
بۇل جاعداي - كومسومول كەنتىنىڭ تۇرعىندارى ءۇشىن دە باستى ماسەلە. ۇزاق جىلدار اكىمدىكتەگىلەردەن كومەك سۇراپ كەلە جاتقان تۇرعىنداردىڭ جاعدايى جەرگىلىكتى بيلىك وكىلدەرىنە تانىس. دەگەنمەن، قارجى ماسەلەسى قولبايلاۋ بولعان ەكەن.
كەنت تۇرعىندارىمەن كەزدەسكەن قالا اكىمى ماسەلەلەردى جىل سوڭىنا دەيىن شەشۋگە ۋادە ەتتى. جارىق جانە سۋ تارتۋ ءۇشىن ارنايى جوبالىق سمەتالىق قۇجات دايىن. وبلىستىق جانە قالالىق بيۋدجەتتەن 2 ميلليارد 8 ميلليون تەڭگە قارجى بولىنگەن. تاياۋدا بايقاۋ ارقىلى جۇمىستارمەن اينالىساتىن مەردىگەر مەكەمە انىقتالادى. جىل سوڭىنا دەيىن سۋ ماسەلەسى شەشىلمەك. ال جارىق تارتۋ جۇمىسى بيىل باستالادى. ءبىراق جۇمىستار كەلەر جىلى اياقتالادى، دەپ ۋادە بەردى شاھار باسشىسى تۇرعىندار الدىندا.
«بيىل بايقاۋ جاريالاپ، تەندەر وتكىزەمىز. مەردىگەر مەكەمەنى تاڭداعاننان كەيىن جۇمىسقا كىرىسەمىز. ءبىراق جارىق ماسەلەسى كەلەسى جىلى تولىق شەشىلەتىن بولادى. ال سۋ ماسەلەسىنە 10 كۇننىڭ ىشىندە كىرىسەمىز. بۇل جۇمىستارمەن اينالىساتىن مەردىگەر دايىن. جىل سوڭىنا دەيىن»، - دەدى قالا باسشىسى.
