گەرمانيا قوسىمشا تاعى 10 مىڭ بوسقىندى قابىلدايدى
بۇل تۋرالى «قازاقپارات» ح ا ا- نىڭ مەنشىكتى ءتىلشىسى، ەۋروپا وداعىنىڭ ميگراتسيا جانە ىشكى ىستەر جونىندەگى كوميسسارى ديميتريس اۆراموپۋلوس Funke باسىلىمىنا بەرگەن سۇحباتىنداعى مالىمدەمەسىنە سىلتەمە جاساپ حابارلايدى.
ونىڭ ايتۋىنشا، وسى اپتادا ەۋروكوميسسياعا گ ف ر ۇكىمەتىنىڭ وسى ماسەلەگە سايكەس سەنىمحاتى جەتكىزىلگەن.
«نەمىس ۇكىمەتى ماسەلە حالىقارالىق ىنتىماقتاستىققا كەلگەن كەزدە، توقتاۋسىز ەڭبەك ەتەدى» ، - دەيدى اۆراموپۋلوس مىرزا.
ەۋروكوميسساردىڭ بەرگەن مالىمەتىنە وراي، ەۋروپالىق وداقتىڭ وزگە ەلدەرى تاعى 40 مىڭ بوسقىندى قابىلداۋعا مىندەتتەلگەنىن ەسكەرسەك، كوشى- قون باعدارلاماسى جوسپارىنان ارتىق ناتيجەنى كورسەتپەك.
ايتا كەتسەك، قورعانىسسىز بوسقىنداردى ورنالاستىرۋ باعدارلاماسى ولاردىڭ ەۋروپاعا قاۋىپسىز جەتۋى ءۇشىن بەكىتىلگەن بولاتىن. 2019 -جىلدىڭ كۇزىنە قاراي ەۋروپالىق وداق وسى باعدارلاما اياسىندا كەم دەگەندە 50 مىڭ بوسقىندى قابىلداپ ۇلگەرۋى ءتيىس.
