الماتىدا 10 تۋريست شەتەلدەن تىرىسقاق جۇقتىرىپ كەلگەن
«اۆيارەيستەر اشىلعان ساتتەن باستاپ تىكەلەي الماتى قالاسىنان ءۇندىستانعا نيۋ - دەلي مەن گوادان 17000-نان استام جولاۋشىلار ۇشىپ كەلدى، سونىڭ ىشىندە 4322 ادام - ءۇندىستان ازاماتى. سونىڭ ىشىندە 10 ادام تىرىسقاق اۋرۋىن جۇقتىرىپ كەلگەندىگى بەلگىلى بولدى. ولاردىڭ 10-ى قازاقستان ازاماتى بولسا، 2 ادام - ءۇندىستان ازاماتى. ناۋقاس ادامداردىڭ ىشىندە بەسەۋىندە اسا ءقاۋىپتى ەمەس ءتۇرى تىركەلسە، قالعان بەس ادامدا توكسيگەندى ءتۇرى تىركەلدى»، - دەدى ا. مولداقاسىموۆا الماتىدا وتكەن جيىندا.
ونىڭ ايتۋىنشا، جىل باسىنان بەرى اۋىرىپ كەلگەن 5 ادام دا ءۇندىستاننىڭ گوا شتاتىنان كەلگەن.
«قازاقستاندىق تۋريستەر قىستىڭ سۋىعىندا ءۇندىستاننىڭ جىلى جەرىنە قىزىعىپ، تۋريستىك ساپار شەگىپ جاتىر. ءۇندىستاننان دا كەلەتىن ساياحاتشىلاردىڭ سانى كوپ. بۇل ەپيدەميالىق جاعدايدى كۇردەلەندىرۋدە»، - دەپ تولىقتىردى دەپارتامەنت باسشىسى.
ايتا كەتۋ كەرەك، بۇعان دەيىن الماتىدا ءۇندىستانعا دەمالۋعا بارعان ءبىر ەر ادام تىرىسقاق اۋرۋىن جۇقتىرىپ كەلگەندىگى تۋرالى حابارلاعان بولاتىنبىز.
