قىتايعا ەكسپورتتالاتىن قازاقستاندىق گاز كولەمى جىلىنا 10 ميلليارد تەكشە مەترگە جەتكىزىلەدى
دەپ حابارلايدى كومپانيانىڭ باسپا ءسوز قىزمەتى.
كەزدەسۋ قورىتىندىسى بويىنشا قىتايعا گاز ەكسپورتىن جىلىنا 10 ميلليارد تەكشە مەترگە دەيىن ۇلعايتۋ تۋرالى ۋاعدالاستىق جاسالدى. تاراپتار گاز ينفراقۇرىلىمىن ودان ءارى جەتىلدىرۋ قاجەتتىگىن جانە جۇمىس ىستەپ تۇرعان گاز ماگيسترالدارىنىڭ وتكىزۋ قابىلەتىن ارتتىرۋ بويىنشا ورتاق كوزقاراس ءبىلدىرىپ، بىرلەسكەن كەڭەسۋلەر وتكىزۋگە كەلىستى.
قىتاي كورپوراتسياسى قازاقستاندىق گازدى جەتكىزۋ تۋرالى كەلىسىمنىڭ ورىندالۋ بارىسىن جوعارى باعالادى. سونىمەن قاتار 2019 -جىلدىڭ اياعىنا دەيىن «قازاقستان- قىتاي» م گ ق «ا» جانە «ب» ەكى تارماعىنىڭ قۋاتىن كەزەڭ كەزەڭمەن ۇلعايتۋعا شەشىم قابىلداندى.
قازاقستان اۋماعى ارقىلى تاسىمالداۋدى كەڭەيتۋ ءۇشىن جاڭا كومپرەسسورلىق ستانسيالاردى سالۋ جانە قولدانىستاعىلارىن جاڭعىرتۋ ەسەبىنەن «بەينەۋ- بوزوي- شىمكەنت» م گ ق قۋاتىن ۇلعايتۋ جوسپارلانۋدا.
«قاز مۇناي گاز» ۇ ك ا ق ۆيتسە- پرەزيدەنتى ق. شارىپبايەۆ قازاقستاندىق گازدى قىتاي حالىق رەسپۋبليكاسىنا جەتكىزۋدىڭ ستراتەگيالىق ماڭىزدىلىعىن اتاپ ءوتتى. ونىڭ پىكىرىنشە، قازاقستاننىڭ گاز تاسىمالداۋ جۇيەسى گاز تاسىمالى مەن ەكسپورتتى كەڭەيتۋگە دايىن ەكەنىن ايتتى. «قازاقستاندىق گازدىڭ قىتايعا ەكسپورتى ەكى مەملەكەت باسشىلارىنىڭ ۋاعدالاستىقتارى مەن بىرلەسكەن جوبالاردى دامىتۋعا جانە ىسكە اسىرۋعا ىقپال ەتەتىن ەكى ۇقساس «نۇرلى جول» جانە «ءبىر بەلبەۋ - ءبىر جول» قازاقستان مەن قىتاي باعدارلامالارىنىڭ ارقاسىندا مۇمكىن بولدى» - دەپ مالىمدەدى.
قىتاي تارابى قازاقستاندىق گازدى شىعىسقا ەكسپورتتاۋ ءىسىن ۇيىمداستىرۋعا جانە ارىپتەستىك دەڭگەيىنە جوعارى باعا بەرىپ وتىر. قازاقستاندىق گازدىڭ اسپان استى ەلىنە ەكسپورتى 2017 -جىلعى 15 - قازاندا باستالعان بولاتىن.
2017 جىل قورىتىندىسى بويىنشا «ورتالىق ازيا - قىتاي» ترانسۇلتتىق گاز قۇبىرى ارقىلى قىتاي حالىق رەسپۋبليكاسىنا تاسىمالدانعان ورتاازيالىق ەلدەردىڭ گاز كولەمى % 13,4 - عا ارتىپ، 38,7 ميلليارد تەكشە مەترگە جەتتى. 2009 - جىلى ىسكە قوسىلعالى بەرى وسى حالىقارالىق گاز قۇبىرى ارقىلى قىتايعا تاسىمالدانعان گاز كولەمى 203 ميلليارد تەكشە مەتردەن اسىپ ءتۇستى.
