قىسقى تۋريزم: بۋرابايدا ءبىر اپتادا 10 مىڭ ادام دەمالدى - فوتو
شىناربەك باتىرحانوۆتىڭ سوزىنە قاراعاندا، اقمولا وبلىسىندا دەمالۋشىلار اراسىندا قىسقى تۋريزم سوڭعى كەزدەرى كەڭىنەن قانات جايىپ كەلەدى.
«اسەم تابيعاتىمەن كوزدىڭ جاۋىن الاتىن ايماقتا تۋريستەردىڭ جازدا عانا ەمەس، قىس ايلارىندا دا دەمالۋىنا بولادى. وڭىردەگى كوپتەگەن شيپاجاي كەشەندەرىندە كورسەتىلەتىن قىزمەت ساپاسى قازىرگى زامان تالاپتارعا ساي»، - دەيدى باسقارما باسشىسى.
سونىمەن قاتار، كاسىبي شاڭعىشىلار ءۇشىن «نۇر تاۋ» تاۋ شاڭعىسى بازاسى مەن تاۋ شاڭعىسى جانە ۇزىندىعى 300 مەتر ارقان جولى بار «اق جەلكەن» دەمالۋ ۇيىندە تۋريستەر ءۇشىن بارلىق جاعداي جاسالىنعان.
«Rixos Borovoe» قوناق كەشەنىندە ىسكە قوسىلعان قىستا سنوۋبوردينگ، جازدا ۆەيكبوردينگ رەتىندە جۇمىس ىستەيتىن ۆەيك- پارك جىل بويى تۋريستەر مەن دەمالۋشىلارعا قىزمەت كورسەتەدى. وعان قوسا، «قازاقستاندىق لاپلانديا»، بۋراباي كەنتىندەگى ورتالىق جاعاجايداعى مۇز قالاشىعى، «ايناكول»، وتەلى، «ابىلايحان» الاڭى، «ديسكاۆەري- بوروۆوە»، «زۆزدنىي»، «لەسنايا سكازكا» بالالاردىڭ ساۋىقتىرۋ ورتالىقتارى بالالاردىڭ سۇيىكتى مەكەنىنە اينالىپ وتىر. بۋرابايداعى قىسقى دەمالۋ الاڭدارىنا جاڭا جىلدىڭ العاشقى اپتاسىندا كەلگەن ادامداردىڭ سانى 10 مىڭعا جەتتى. جاقىندا بۋراباي ايماعىن يۋنەسكو- نىڭ گەوپاركتەردىڭ عالامدىق جەلىسىنە ەنگىزۋ جوسپارلانعان. بۇل ءوز كەزەگىندە كوپتەگەن تۋريستەر ءۇشىن، ونىڭ ىشىندە شەتەلدىك قوناقتار ءۇشىن كۋرورتتى ايماقتىڭ قىزىعۋشىلىعىن ارتتىرا تۇسەدى.
اقمولا وبلىسىندا بۋرابايدان باسقا، زەرەندى اۋدانىندا «سۇڭقار» ساۋىقتىرۋ كەشەنى، «ەلىكتى پارك» تاۋ شاڭعىسى بازاسى، قورعالجىن اۋدانىندا ۇلتتىق تابيعي قورىق سياقتى وزەن- كولدەرگە باي وڭىرلەر جەتەرلىك.
اۆتور: اسلان وسپانوۆ
