ماسكەۋدە جارىلىس قاۋىپىنە بايلانىستى 10 مىڭ ادام قاۋىپسىز جەرگە كوشىرىلگەن

بۇل تۋرالى ينتەرفاكس اگەنتتىگى حابارلادى.

اگەنتتىك تاراتقان مالىمەتتەر بويىنشا، بارلىعى 10 مىڭ ادام قاۋىپسىز ايماققا كوشىرىلگەن. تەكسەرۋ بارىسىندا بىردە ءبىر جارىلعىش زات تابىلعان جوق.

وسىعان دەيىن 5 -قاراشادا ماسكەۋدە «كوسموس» كينوتەاترى، لەنينگراد داڭعىلىنداعى «اەروپورت» ساۋدا ءۇيى مەن «ۆىسوتا» كينوتەاترىنان ادامدار ەۆاكۋتسيالانعان بولاتىن. سونداي- اق شۋسيەۆ اتىنداعى ارحيتەكتۋرا مۋزەيىندە دە جارىلىس بولادى دەگەن انونيمدى حابار كەلىپ ءتۇستى.

رەسەيدە جاپپاي ەۆاكۋاتسيالاۋ شارالارى 2017 -جىلدىڭ قىركۇيەگىنەن باستالعان. انونيمدىك قوڭىراۋلاردان سوڭ ادامدار كينوتەاترلار مەن ۋنيۆەرسيتەتتەردەن، ساۋدا ورتالىقتارى مەن اكىمشىلىك عيماراتتاردان كوشىرىلدى. الايدا ولاردىڭ ەشقايسىسىنان دا قانداي دا ءبىر جارىلعىش زات تابىلعان جوق.

رەسەيدىڭ فەدەرالدى بارلاۋ قىزمەتى قوڭىراۋلاردىڭ شەت مەملەكەتتەردەن كەلىپ جاتقانىن ايتادى.