قارۋ تاپسىرعان پەتروپاۆل تۇرعىندارىنا 10 ميلليون تەڭگەدەن استام سىياقى بەرىلەدى
تۇرعىندار تاپسىرعان قارۋدىڭ نەگىزگى بولىگى ەكىنشى ساناتقا جاتقىزىلدى، ولار پايدالانۋعا جارامدى، ءبىراق باستاپقى ءتۇر-تۇسىنەن ايرىلعان قارۋلار. سولتۇستىك قازاقستاندىقتار ونداي قارۋدىڭ 170 ءىن تاپسىردى. ءبىرىنشى ساناتقا جاتاتىن 17 جاڭا قارۋ جينالدى.
بارلىعى 181 ءوتىنىش نەگىزىندە 214 دانا قارۋ جانە 1549 وق تاپسىرىلدى.
«ق ر اكىمشىلىك قۇقىق بۇزۋشىلىقتار تۋرالى كودەكسىنە سايكەس، اڭ اۋلاۋعا قىزىعاتىن تۋعان-تۋىستارىنان قالعان ەستەلىك قارۋدى ساقتاۋ 25 ا ە ك كولەمىندە ايىپپۇل سالۋعا نەگىز بولادى. ال ەگەر ءوز ەركىمەن اكەلىپ تاپسىرسا، جازاعا تارتىلمايدى»، - دەيدى س ق و ءى ءى د اكىمشىلىك پوليتسيا باسقارماسىنىڭ ءبولىم باستىعى الەكسەي بەلوۆ.
اكسيا 10- ساۋىردە باستالعان. تۇرعىنداردىڭ قولىنداعى قارۋدى ساتىپ الۋ ءۇشىن رەسپۋبليكالىق بيۋدجەتتەن 10 ميلليون تەڭگە قارجى ءبولىندى. سولتۇستىك قازاقستاندىقتار تاپسىرعان قارۋدىڭ تولەماقىسى ودان جارتى ميلليونعا كوپ. س ق و ءى ءى د باسپا ءسوز قىزمەتىندەگىلەر قوسىمشا قارجى ءبولىنىپ، سىياقىلار تولىعىمەن بەرىلەتىنىن جەتكىزدى.
